Filemón 1:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ sashiila'e' quiyim qouaquitegue na Onésimo, ma' mashic llaalec da ipi'ỹaxac quenajo ncoñiitaxanaxaqui.

Filemón 1:10 Iomraidhean Croise

2 Samuel 18:5

Chaqai so nashi ỹa'ue da laqataxac queso Joab, so Abisai chaqai so Itai, quiyim ra'iitagui da la'qaatec so'maxare quiyim qaica nqovinegue so ne'nec Absalón. No'm qanaqajñi, ta'ta'a quiyim chi qaineequesentac. Ca' sá'ogue so nalliripi 'qaachigui da la'qaatec so nashi na' qateteguelec so llaalec Absalón quesaua la'gaxalate' so nalliripi.

Marcos 9:17

Ca 'uo' so 'óna hueete'eyi 'naaco': —Qami' napaxaguinataxanaq, ñauega qami' ñi ỹaalec, ma' 'ue ñi le'ec lecmaxaic se retaqa nqai'en.

Romanos 12:1

Ca vichiguiño' ỹaqaỹarolqa, ñi'xoresentouguilo qamiri quedá'maq le'xorenataxanaxa ñi qota'a quiyim ỹaatqajam nomachiỹalta' nañaañiỹot ñi'maxare, 'ñiitari' aca nachitaxanataxanqate ỹaatqajam nca'leetauec, quiyim 'ueenataxañiỹot chaqai quiyim ỹa'maxarente' qamiri ñi'maxare. Ca' chaqaida 'ñiita'gue quiyim lliichigui añi re'taxanatahi ca remaqajnataxanaxahi.

1 Corintios 4:14

Qam dajo shiriñi se sahotaque quiyim qamiri sayilqochichii, qaidaata sahotaque quiyim saqatalo qamiri, ma' shiñitaxaric caua ỹauochaqate' ỹaalqa.

1 Corintios 4:15

Ma' no'm ỹovi' ca diez mil ca ỹapaxaguinque qamiri so Cristo, qam se ishit quiyim 'xoic ca qataa'illipi. Ma' ỹim ná'maq leta'a da rpi'ỹaxaguii queso Cristo Jesús. Ma' ỹim ná'maq sa'xatema qamiri na'le dá'maq na'qaatec chicqaugui da nca'laxa.

Gálatas 4:19

Qamiri ỹaalqolqa, lotqai liỹa sovirau'a da nqui'ic caqamiri, shintari' aca 'aalo quena' shim ne'qaañi ca llaalec; qam shiquetalco' da i'xoric, vire'to' ma' nalogoñi quiyim 'ñiitari' so Cristo.

Colosenses 4:9

Ñi'maxare liỹaatac ma'le ñi Onésimo, ñí'maq qanauochaxaua chaqai qamaxaraic qarqaỹa, ñí'maq chicqotouguilo qamiri na'le. Ñaua'maxare ỹa'xatema qamiri ma'le dá'ogue dá'maq shinqatari' quenajo.

1 Timoteo 1:2

Qami' Timoteo, 'nejem quiyim qami' ỹaalec, ma' ỹim chigoqchiro'ot da rpi'ỹaxaqui'. Selata qami' ana ỹerecse, ma' yishiitaque quiyim coñichiguit ca qouagaxa, chaqai ca ne'xorenataxanaxa, chaqai da neuagaxa chicqo'ot ñi qota'olec chaqai so qara'gaxala' Cristo Jesús.

Tito 1:4

Qami' Tito, shinta'gue quiyim 'ec qami' ỹaalec, ma' ỹim chicqo'ot quiyim 'ue da rpi'ỹaxaqui' dá'maq hueeto'oto qomi'. Selata qami' ana ỹerecse, ma' sahotaque quiyim coñichiguit ca qouagaxa, chaqai da ne'xorenataxanaxa, chaqai da na'maxa chicqo'ot ñi qota'olec chaqai so qara'gaxala' Jesucristo só'maq qarca'laxaqui.

Filemón 1:11

Quesaua 'auaxaqa na'xata' ñi Onésimo qaica ca 'negue caqami', qam nagui, ca' ỹaatqajam npe'eet caqami' chaqai caỹim.

Filemón 1:13

Ỹa'maqachiguiñi quet quiyim ñaq ñolliitañi quet, qaiyi nimiiñiguit aqami' quiyim yotauan ro'ueenataxanot aỹim, ma' ỹim ncoñiiteguesec sasouetapigui quiyim sa'xatetac da na'qaataxac so Jesús.

3 Juan 1:4

Qaica quet cá'maq paguec ỹo'uet ca ñitoonaxac, ta'ta'a quiyim sa'den quiyim na ỹaalqaipi queetalec dá'maq ỹaatqajam lliqueta.