Éxodo 9:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' queso liỹa na'xa'a, ca' ñi qara'gaxala' ỹo'uet quiyim sá'ogue so laloipi so Egipto laseripi nilliviñi. Qam quena laloipi so Israel llaalqaipi qaica ca ileu.

Éxodo 9:6 Iomraidhean Croise

Éxodo 12:12

Quecajo pe, ca' shiguelec yá'ogue yi Egipto. Ca' salauat ná'ogue ná'maq ỹi ñaalec quená'ogue ná'maq Egipto laseripi, chaqai ná'ogue ná'maq 'auaxaic llaalec na iseripi. Chaqai sa'ue ca nouaxanaxaset ná'ogue ná'maq lashiilec na Egipto laseripi. Ỹim ra'gaxalari shinac dajo.

Éxodo 12:29

Ca co'na' mashic pe lauel, ca' ñi qara'gaxala' nalauajñi na 'auaxaic llaalegue' caua noua' quesá'ogue so Egipto laseripi, chaqai qai'neeta so 'auaxaic llaalec so nashi Faraón, chaqai na 'auaxaic llaalec na ncoñiitecseripi neetaugui añi ncoñiitaxanaxaqui, chaqai na 'auaxaic llaalec na neloipi iseripi.

Éxodo 8:22

Ca ma' ỹovirelec quiyim ipaquichigui dajo, ca soỹoote'oga ma'le yi 'laua Gosén yí'maq neetalec yi ỹalamqateripi. Ca quiyi'maxare qaca aca 'oonole qogo ma'le, qaiyi qami' 'yiiñi' quiyim ỹim na'gaxala' seuetalec najo 'laua.

Éxodo 9:25

Aso qalachi naqaguijñi ná'ogue ná'maq 'ue quiyi na'laua so Egipto laseripi, nalauajñi na qomyipi chaqai na iseripi, chaqai naqaguijñi ná'ogue ana nanecse quena no'ueenaxa, chaqai naqaguijñi ana lasote ná'ogue ana qo'paq quiyi 'laua Egipto.

Éxodo 9:26

Qam quedá'ogue dajo quiyi 'laua Gosén qaca aca 'oonole qalachi taalec yí'maq neetalec so Israel llaalqaipi.

Éxodo 9:4

Qam ñi qara'gaxala' ỹoỹooteta'oga ma'le na laloipi na Israel llaalqaipi quena laloipi na Egipto laseripi, qaiyi qaica ca ileu quena lalo na Israel llaalqaipi.

Éxodo 9:5

Chaqai ñi qara'gaxala' ỹahote'e yi laloqojnec, ca 'naac: —Ma' nete'e, ca' so'uet dajo.