Éxodo 9:4 - La'qaatqa ñi qota'olec Qota'olec & Qota'olec Novita Na Qomyipi

⁴ Qam ñi qara'gaxala' ỹoỹooteta'oga ma'le na laloipi na Israel llaalqaipi quena laloipi na Egipto laseripi, qaiyi qaica ca ileu quena lalo na Israel llaalqaipi.

Éxodo 9:4 Iomraidhean Croise

Éxodo 10:23

Ca' ỹovirerauec saua tres na'xata' sqaica ca qaiuana quena neuora chaqai sqaican reda quecá'maq neeta'ñi. Qam so Israel llaalqaipi neuanchiguiñi quiyí'maq neeta'ñi.

Éxodo 12:13

Ca' so neuoripi, ca' chi netanegue' qamiri quiyim tañii' naua ra'aachiri, qaiyi ma' ñalauajñi na llaalec na Egipto laseripi, qam caqamiri, ca' qaica ca ileu. Ca ma' seuana ca leuoripi queca 'imec, ca' sa'iitalec.

Éxodo 8:19

Co'na'le, ca' so 'viiquiaxairipi 'naaco' queso Faraón: —Chaqaiñi ñi qota'olec ñí'maq ỹo'ueetetac dá'ogue dajo. Qam so Faraón qaiyiita se ỹaqamaq chaqai se na'xaỹaxan, ma' chaqaida 'naaco' na'le ñi qara'gaxala'.

Éxodo 8:22

Ca ma' ỹovirelec quiyim ipaquichigui dajo, ca soỹoote'oga ma'le yi 'laua Gosén yí'maq neetalec yi ỹalamqateripi. Ca quiyi'maxare qaca aca 'oonole qogo ma'le, qaiyi qami' 'yiiñi' quiyim ỹim na'gaxala' seuetalec najo 'laua.

Éxodo 9:26

Qam quedá'ogue dajo quiyi 'laua Gosén qaca aca 'oonole qalachi taalec yí'maq neetalec so Israel llaalqaipi.

Éxodo 9:5

Chaqai ñi qara'gaxala' ỹahote'e yi laloqojnec, ca 'naac: —Ma' nete'e, ca' so'uet dajo.

Éxodo 9:6

Ca' queso liỹa na'xa'a, ca' ñi qara'gaxala' ỹo'uet quiyim sá'ogue so laloipi so Egipto laseripi nilliviñi. Qam quena laloipi so Israel llaalqaipi qaica ca ileu.

Amós 4:7

Qai'neeta so'uet quiyim qaica ca ỹaxat na' saqa'lecaua tres shiriguiri quiyim qanaqat na nanecsec. 'Vii naua na'aate' 'ue nqaishin na ỹaxat, qam quena liỹa, ca' qaica nqaishin ca ỹaxat; 'ue na no'ueenaxa ta'ñi na ỹaxat, qam quena liỹa, ca' ỹaso, ma' qaica ca huaxaỹaq;