Éxodo 9:3 - La'qaatqa ñi qota'olec Qota'olec & Qota'olec Novita Na Qomyipi

³ ca' ñi qara'gaxala' nela' ma'le da lquesaxanaxa, taalec nqai'en na qalo'e'ipi hueetalec na no'ueenaxa. Ca' 'ue ma'le ca le'ne' 'xoic lecaic. Ca nilliviñi ma'le na shipiguiripi, 'ashinyipi, nauaanaxanaxa late'ellipi, huacallipi chaqai ana qagretaipi.

Éxodo 9:3 Iomraidhean Croise

Génesis 47:17

Ca' so Egipto laseripi ỹauega'a so José na lalo shipiguiripi, qagreta, huaca, chaqai na 'ashin. Ca' so José ỹañiguit quiyim ỹaanem so trigo sá'ogue so ñaaxa.

Éxodo 5:3

Co'na'le, ca' saua'maxare 'neraco': —Ñi qota'olec quena hebreo laseripi ỹanaxata'guita qomi'. Ca' qomi' qolaq, saxague da 'laua qaica qom. Yi'maxare ỹovite' caua tres na'xata' queeta ca qom, ca' ỹovita. Ca ma'le, ca' savigaxataq ca qarachitaxanataxanaxat, ca' saanqot ñi qara'gaxala' qota'olec, 'neeto' quiyim inaxalgoto qomi' ca ne'ne', loqo'm ỹahote'e ca lecat llaaxa.

Éxodo 8:19

Co'na'le, ca' so 'viiquiaxairipi 'naaco' queso Faraón: —Chaqaiñi ñi qota'olec ñí'maq ỹo'ueetetac dá'ogue dajo. Qam so Faraón qaiyiita se ỹaqamaq chaqai se na'xaỹaxan, ma' chaqaida 'naaco' na'le ñi qara'gaxala'.

Amós 4:10

Selata na'le so ne'ne' qamiri 'ec cá'maq selata na'le yi Egipto; so'uet quiyim ileu so ne'naqaipi caqamiri quiyi no'ueenaxa lauatqa', chaqai so'uet quiyim so npa'guenaxauaripi rouootaxana'gue so laloipi shipiguiripi chaqai ñcoỹaxanaxaneguelo qamiri na lahita so leuaxaiquipi quiyi nco'matqari, ¡qam qamiri se rapilliua'! Ñi qara'gaxala' i'taxajñi da la'qaatec.

Hechos 13:11

Ca' nagui rouaxañi' ñi qara'gaxala'; ca 'vio' caua na'xata' qami' qai'laq, sqai huañita ca lauaq añi ra'aasa. Ca chaqa'ma' se neuanñi, hueetaugui so napalaxa, ca ipootete'era quiyim ỹahotaque 'ue ca icoñiguit ada laua.