Éxodo 9:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Co'na'le, ca' so Moisés 'naaco': —Ca' nagui ma' sovire'oguiyi quena na'a' lodegaxat, ca' ñanojshiguim na ỹaqai'laxat. Ca ñqouagaxainot ñi qara'gaxala', ca' ỹaxanegue ma'le ana qalachi chaqai qaca ma'le ana soxonaxa, qaiyi 'yiiñi' quiyim ñi qara'gaxala' loiquenatec na 'laua.

Éxodo 9:29 Iomraidhean Croise

1 Reyes 8:22

Ime, ca' so Salomón nachajñi reloqoto'ot aso ncopatoxonaxalate quiñi qara'gaxala', qaiuanchigui quesá'ogue so llaalqaipi so Israel, ỹachaxansashiguim naua lqai'laqate' quena piguim.

Esdras 9:5

Ca' rapil da iquesaxanaxa, ca' ñaqai sansañi saua ỹoho sectete', ca ñqouagaxainot ñi ỹa'gaxala' qota'olec.

Job 11:13

Ca' qami' no'ueenaxachi' da qayicyaxaqui', ca 'ỹaañitot da rashiilaxanaxaqui' ñi qota'olec.

Salmos 50:12

Quetqai yqopat, qam se sa'qaataxana qami', ma' ỹooỹac ná'ogue na 'laua, chaqai ná'ogue ná'maq hueetalec na'maxare.

Éxodo 19:5

Ca no'm qamiri na'xaỹaxanchiua' quená'ogue, chaqai pacqajñichigui dá'maq qana'maqataxac, ca sapacqajnauec quiyim qamiri ỹalamaxarete' quená'ogue na liỹa qomyipi quena 'laua, ma' ná'ogue na 'laua ỹalamaxaret.

Éxodo 20:11

Ma' ỹim ra'gaxalari quecaua seis na'xata', ca so'uet na'le na piguim, na 'laua, ana huaaxai, chaqai ná'ogue nanchaqaina 'ue quena'maxare. Ca ñco'matec na' ime' saua seis na'xata'. Vichiguiño' lloyagaxat da ỹa'qaatec quesojo na'xa'a ñco'mataxaqui, ca soỹoote'oga quiyim sauaaque qayimaqachin quesojo na'xa'a.

Éxodo 8:22

Ca ma' ỹovirelec quiyim ipaquichigui dajo, ca soỹoote'oga ma'le yi 'laua Gosén yí'maq neetalec yi ỹalamqateripi. Ca quiyi'maxare qaca aca 'oonole qogo ma'le, qaiyi qami' 'yiiñi' quiyim ỹim na'gaxala' seuetalec najo 'laua.

Éxodo 8:6

Ca' so Aarón quelec nqai'en sá'ogue so huaxaỹaq quiyi Egipto. Ca chicqañigui ana piyiloxoloxo, ca' no'xalec yá'ogue yi 'laua.

Éxodo 9:33

Ca co'na' so Moisés inoxonec quiyi na'a' lodegaxat na' ime retaqata'pegue' so Faraón, ca' ỹachaxanshiguim da lqai'laxat, nqouagaxainot ñi qara'gaxala'. Ca chaqa'ma' ỹaxanegue aso qalachi chaqai so ỹaxat, chaqai tot qaca aca soxonaxa.

Isaías 1:15

Quena' nanochishiguim naua rqai'laqachiri, ca nqouagaxaiñii, ca' ỹim se ya'ỹiỹalo qamiri; 'eno'm shi'gom nqouagaxaiñitac, ỹim se ña'xaỹaxan. Ma' naua rqai'laqachiri 'ue na ralauachiguii leuoripi.

1 Corintios 10:26

Ma' na 'laua chaqai ná'ogue na hueetalec ỹaatqajam lalamaxat ñi qara'gaxala'.

1 Corintios 10:28

Qam no'm 'ue ca 'naac caqamiri: “Najo la'at, na'maxare nachitaxanataxanaxat shi'gue qoỹaanot ca nqolac”, ca' sqa 'guii, qaiyi se que'maqachichii cá'maq ra'qaataxanema qamiri, chaqai qaiyi se ỹa'maxañi ca na'deenataxanaxac.