Éxodo 9:22 - La'qaatqa ñi qota'olec Qota'olec & Qota'olec Novita Na Qomyipi

²² Co'na'le, ca' ñi qara'gaxala' 'naaco' queso Moisés: —Chaxañirishiguim na rqai'laxachi' quena piguim, qaiyi nac ana qalachi, ca' taalec ná'ogue na qom chaqai na iseripi chaqai na nanecsec quena 'laua Egipto.

Éxodo 9:22 Iomraidhean Croise

Éxodo 10:21

Co'na'le, ca 'naaco' ñi qara'gaxala' queso Moisés: —Ỹicshiguim nqai'ñi' na rqai'laxachi' quena piguim, qaiyi 'ue ca napalaxa quená'ogue na 'laua Egipto, chi ỹovireta'a quiyim chi qaipootete'era.

Éxodo 7:19

Chaqai qai'neeta 'naac ñi qara'gaxala' queso Moisés: —'Ñirapega ñi Aarón quiyim ỹacona yi lashilete, ỹeguec da lqai'laxat, quelec nqai'en ana lachiuguellipi, chaqai na ñaachipi, chaqai naua qai'mi', chaqai ana laquip lahi' na Egipto laseripi, chaqai ná'ogue ana huaxaỹaq lahi'. ¡'Ue ma'le na leuoripi, vire'ta ana na'maqataxanaxaqui quena huaxaỹaq, qo'paq chaqai ana qa'!

Éxodo 8:16

Ca' ñi qara'gaxala' 'naaco' queso Moisés: —'Ñirapega ñi Aarón ỹacona ayi lashilete, ca ỹouaxanñigui na lamoxoỹaxa na 'laua, qaiyi ñigui ra'gaxan, ca no'xalec ná'ogue na 'laua Egipto.

Éxodo 8:5

Ca' ñi qara'gaxala' 'naaco' queso Moisés: —'Ñirapega ca Aarón quiyim ỹachaxanshiguim aca lashilete, quelec nqai'en na lachiuguellipi, ñaachipi, chaqai qai'imipi, qaiyi chicqochiguiñigui ma'le ana piyiloxoloxo, nenoxonshiguim, ca' taalec ná'ogue na 'laua Egipto.

Éxodo 9:21

Qam 'uo' na liỹa sqailligueme' huelec da 'naac ñi qara'gaxala', ca ỹaxantac quiyim qaica ca ỹano'ot lapooque' na lelaatqaipi chaqai na laloipi, ca' hueetauec nqai'en.

Josué 10:11

Ca' so amorreoipi co'na' mashic qui'ñigui so ca'megue quiyi Bet-horón co'na' 'eetapeguem so Israel llaalqaipi, ca' ñi qara'gaxala' ỹo'uet quiyim anac aso qalachi. Ca' ỹaatqajam 'xoic so ỹalauat nqai'en, paguelec so ỹalauat queso Israel llaalqaipi.

Apocalipsis 16:21

Qai'neeta nac aso qalachi late'ogue', chicqo'ot na piguim, taalec na qom. Ỹovi' cuarenta kilos que'óna. Ca na qomyipi 'ue na ỹa'xat se no'uen quiñi qota'a quesojo nqa'viic caso qalachi, ma' mashic chalego lecaic dá'maq nouaxanaxaset.