Éxodo 9:2 - La'qaatqa ñi qota'olec Qota'olec & Qota'olec Novita Na Qomyipi

² Ca no'm sqai 'xañirec, ta'ta'a quiyim ñaq nolli'sañi,

Éxodo 9:2 Iomraidhean Croise

Éxodo 10:4

Ma' no'm qaiyiita se na'xaỹaxañi', ñaq nolli'sañi, sqai 'xañirec na ỹalamaxareteripi, ca' nete'e ñila' aca piñai, taalec nqaishin ná'ogue na na'laua'e'.

Éxodo 5:1

Ca co'na' ime dajo, ca' so Moisés chaqai so Aarón querepegue' so Faraón, ca 'neraco': —Ñi qara'gaxala', ñí'maq qota'olec queso Israel llaalqaipi, 'neetasa' da la'qaatec: 'Xañirec ñaqai eec na qomyipi, quepegue' yi 'laua qaica ca qom, qaiyi ỹo'uet ca lemaqachic quiyim yimaqachin.

Éxodo 8:2

Ma' no'm sqai 'xañirec na qomyipi quiyim eec, ca' ỹim ño'xataxajlec ná'ogue na na'laua'e' cana piyiloxoloxo.

Éxodo 9:13

Co'na'le, ca 'naaco' ñi qara'gaxala' queso Moisés: —No'chi'sashiguimo' nete'e ma' nete'etam, ca' quirepegue' ñi Faraón. Ca ma' vichita, ca 'ñiraco': Ñi qara'gaxala' ñí'maq qota'olec quena hebreo laseripi 'naac caqami': 'Xañirec na ỹalamaxareteripi, qaiyi nqouagaxainot aỹim.

Éxodo 9:3

ca' ñi qara'gaxala' nela' ma'le da lquesaxanaxa, taalec nqai'en na qalo'e'ipi hueetalec na no'ueenaxa. Ca' 'ue ma'le ca le'ne' 'xoic lecaic. Ca nilliviñi ma'le na shipiguiripi, 'ashinyipi, nauaanaxanaxa late'ellipi, huacallipi chaqai ana qagretaipi.

Isaías 1:20

Qam no'm qaiyiita se na'xaỹaxañii, ca' qaica lata' quiyim qaralauachii ma'le queca lauataq. Chaqaiñi ñi qara'gaxala' ñí'maq ỹa'xat dajo.

Romanos 2:8

Qam ỹaatqajam ro'o quiyim ỹa'ue ca nouaxanaxaset ná'maq chaqai ỹoiquentac dá'maq 'neeta'pegue, ca' se na'xaỹaxana dá'maq ỹaatqajam lliqueta na'qaatec, qainaata na se no'uen queeta'uegue.

Apocalipsis 16:9

Ca' ná'ogue ỹaatqajam ỹaviqueta nqai'en. Qam se netacocha, chaqai se imaqachin ñi qota'a. Ta'ta'a quiyim 'ue na ỹa'xat se no'uen npa'guente'e' ñi'maxare, ñí'maq 'ue da lquesaxanaxa quiyim ilate' naua nqa'viico.