Éxodo 9:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Qam ñca'laxachisauec, qaiyi huañita da iquesaxanaxa, ma' sahotaque qaỹa'den quená'ogue na 'laua.

Éxodo 9:16 Iomraidhean Croise

2 Samuel 7:23

Chaqai quena Israel ná'maq ralamaxarichi', ¡na'maxare qaica nqai 'nejem, ma' najo qomyipi ỹaatqajam qainaata quena 'laua! Qami' qota'olec, na'maxare naqachira'a na'le, ma' vi'saque ralamaxarichi'. Ca' 'viichi' da lichoxoric quedá'maq chalego lecaic 'viichi' quena'maxare. Qami' o'yirauec nanchaqaina quedá'maq taata'gue na ralamaxarichi'ipi ná'maq nca'laxachirec na'le quiyi Egipto, chaqai quená'ogue na liỹa qomyipi chaqai quena lashiilqaipi lqolaquipi.

2 Reyes 19:35

Ca' chaqaiso so pe, ca' so lelaatec ñi qara'gaxala' piguim le'ec nalauajñi so ciento ochenta y cinco mil qomyipi queso nco'matqa' so Asiria laseripi. Ca na' richiguiñi queso liỹa na'xa'a, ca sá'ogue shi'co' ileu.

Éxodo 14:17

Ca' ỹim sa'ñaxat añi le'taxanata na Egipto laseripi quiyim quelgoto ỹocana'pe qamiri. Ca' re'oq nqaishin ma'le da iquesaxanaxa quena Faraón chaqai quená'ogue na nalliripi chaqai cana lahoglena chaqai quena shipiguiripi.

Éxodo 14:4

Ca' ỹim so'uet ma'le quiyim ñi Faraón ra'ñii añi le'taxanata, ca' co'uajlgoto qamiri ma'le. Ca' quiyi hua'ñi ma'le, ca sachaxanem ñi'maxare da iquesaxanaxa chaqai qai'neeta ná'ogue na nalliripi. Qaiyi ỹa'den ná'ogue na Egipto laseripi quiyim chaqaỹim ná'maq ỹim na'gaxala'. Ca' chaqaida 'ne'tegue so Israel llaalqaipi.

Éxodo 9:15

Ỹim seshit quet quiyim sachaxañiraxarom da iquesaxanaxa quiyim so'uet ca nouaxanaxashichi' senaqairaxalec, chaqai na qauochi' ca ne'ne', ca shi'gue quet palac aqami' quena 'laua.

Éxodo 9:17

Qam qaiyiita quedá'ogue dajo, ñaq quepaqchisa'piguit na ỹalamaxareteripi, ca sqai 'xañirec quiyim eec.

Malaquías 1:11

Quená'ogue na qomyipi quena 'laua imaqachintac aỹim; chaqai quenaua'que naua lahil na 'laua qaicopata'a na nichiinaxanaxat quiyim qayimaqachin chaqai qaỹa'ue na nachitaxanataxanaxat, qam chalego la'maxa.

Malaquías 1:14

¡Se no'uen da naatalec da nachaalataxac cá'maq choxonataxanaxai, cá'maq 'naac quiyim ỹaanot aỹim ca isecỹac no'ueenta, ỹachigoxotaugui na laloipi. Ime, ca' ỹaanot aỹim ca 'ue ca la'aqset! Ỹim ná'maq sapacauec quená'ogue na nashillipi, chaqai aỹim nqolonaxat quená'ogue na ỹoreta'oguit qomyipi. Dajo dá'maq 'naac ñi qara'gaxala' sqaica lqalanec.

Romanos 9:17

Ma' quenaua naneresañi na'qaatqa, ñi qota'a 'naaco' na'le queso lashi yi Egipto: “Chi so'uet quiyim qami' nashi, ma' sahotaque quiyim sachigoxochichigui qami' quiyim re'oq nqaishin da iquesaxanaxa, qaiyi qaỹa'den da ỹeenaxat quená'ogue na 'laua.”

Romanos 9:22

Ca ñi qota'olec ỹahotaque ca laloqojnaxanaxat quiyim ichoxot ca nouaxanaxaset chaqai da lquesaxanaxa, qam 'ue da leualaxavic quiyim na'ñaxachiguit ná'maq 'chichiguiñi tai'a quiyim qaỹa'ue ca nouaxanaxaset chaqai quiyim qanopoxoỹaxajñi.

1 Pedro 2:19

Ma' paguec la'maxa queca qom quiyim na'ñaxachiguit ca le'xoric quecá'maq qohinta'gue quiyim ỹa'deentapega ñi qota'a.

1 Pedro 2:8

Chaqai qai'neeta ipaquichigui dá'maq 'naac: Ñi qa' nepoxolaxanaxala', chaqai ỹo'uet quiyim 'ue ca huaañi. Ma' saua'maxare repoxolaxane' co'na' se na'xaỹaxanta da na'qaatec. Qam dajo chi qohinegue quiñi qota'a quiyim 'neeta so qomyipi.

Judas 1:4

Ma' mashic 'uo' na qomyipi queetou'gue da lachoxonataxanaxac caqamiri. Quená'maq shi'co' qaỹa'xateta'guit quenaua naneresañi la'qaatqa ñi qota'a quiyim tai'a dá'maq ỹaatqajam 'chichiguiñi nouaxanaxaset. Najo qomyipi ỹaatqajam hualoxonyipi, ma' icoñiguit da lqouagaxa ñi qota'olec, ca' iualaxain, queugui nqai'en da se no'uen lamaanaxanqachic na loshicmaxa, chaqai sqai huelec ñi qota'a ñí'maq qaiñiita qomi' lalamaxarete', chaqai so qara'gaxala' Jesucristo.

1 Samuel 4:8

¡'Xoraiqolqa qomi'! ¿Negue' queto' ca ro'ootaxanlgoto qomi' quiñijo qota'olec chalego lquesaxanaxa? ¡Chaqaiñi ñí'maq nalauajñi so Egipto laseripi huaalco' yi 'laua qaica qom, chaqai ỹo'ueeto' ná'ogue nanchaqaina ne'ne'!