Éxodo 9:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ỹim seshit quet quiyim sachaxañiraxarom da iquesaxanaxa quiyim so'uet ca nouaxanaxashichi' senaqairaxalec, chaqai na qauochi' ca ne'ne', ca shi'gue quet palac aqami' quena 'laua.

Éxodo 9:15 Iomraidhean Croise

2 Samuel 7:23

Chaqai quena Israel ná'maq ralamaxarichi', ¡na'maxare qaica nqai 'nejem, ma' najo qomyipi ỹaatqajam qainaata quena 'laua! Qami' qota'olec, na'maxare naqachira'a na'le, ma' vi'saque ralamaxarichi'. Ca' 'viichi' da lichoxoric quedá'maq chalego lecaic 'viichi' quena'maxare. Qami' o'yirauec nanchaqaina quedá'maq taata'gue na ralamaxarichi'ipi ná'maq nca'laxachirec na'le quiyi Egipto, chaqai quená'ogue na liỹa qomyipi chaqai quena lashiilqaipi lqolaquipi.

2 Reyes 19:35

Ca' chaqaiso so pe, ca' so lelaatec ñi qara'gaxala' piguim le'ec nalauajñi so ciento ochenta y cinco mil qomyipi queso nco'matqa' so Asiria laseripi. Ca na' richiguiñi queso liỹa na'xa'a, ca sá'ogue shi'co' ileu.

Éxodo 14:28

Ca co'na' pilta' na huaxaỹaq caso huaaxai, ca polec nqai'en so nahoglenaipi chaqai so shipiguiripi chaqai sá'ogue so nalliripi so Faraón só'maq taañigui aso huaaxai ỹocantac so Israel llaalqaipi. Ca sá'ogue nimiichiguiñi, qaica ca no'ueenauec ca'laaxaic.

Éxodo 9:14

Ma' nagui sahotaque quiyim senaxalec qami' ná'ogue na ỹouaxanaxanqateripi, chaqai na rotaua'e'ipi, chaqai na qauochi' laseripi, qaiyi 'yiiñi' quiyim qaica ca 'nejem aỹim quená'ogue na 'laua.

Éxodo 9:16

Qam ñca'laxachisauec, qaiyi huañita da iquesaxanaxa, ma' sahotaque qaỹa'den quená'ogue na 'laua.

Éxodo 9:3

ca' ñi qara'gaxala' nela' ma'le da lquesaxanaxa, taalec nqai'en na qalo'e'ipi hueetalec na no'ueenaxa. Ca' 'ue ma'le ca le'ne' 'xoic lecaic. Ca nilliviñi ma'le na shipiguiripi, 'ashinyipi, nauaanaxanaxa late'ellipi, huacallipi chaqai ana qagretaipi.

Éxodo 9:6

Ca' queso liỹa na'xa'a, ca' ñi qara'gaxala' ỹo'uet quiyim sá'ogue so laloipi so Egipto laseripi nilliviñi. Qam quena laloipi so Israel llaalqaipi qaica ca ileu.