Éxodo 9:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ma' nagui sahotaque quiyim senaxalec qami' ná'ogue na ỹouaxanaxanqateripi, chaqai na rotaua'e'ipi, chaqai na qauochi' laseripi, qaiyi 'yiiñi' quiyim qaica ca 'nejem aỹim quená'ogue na 'laua.

Éxodo 9:14 Iomraidhean Croise

2 Samuel 7:22

Ca' qami' ỹa'gaxala', ¡chalego dá'maq lecaic qami'! Ma' qaica cá'maq 'nejem qami', qaica ca liỹa ỹoiquentac ná'ogue, qaqamite'. Ma' chaqaida dá'maq qomá'ogue sa'xaiqachigui na'le.

Éxodo 15:11

Qami' qara'gaxala', ¡ỹaatqajam qaica ca liỹa nalo'guit aqami'! ¡Qaica ca co'teeta chaqai lodegaxat 'nejem qami'! ¡Ma' 'viichi' na ỹo'uet ca ne'laxa chaqai 'xoic lichic! ¡Ca' ta'chiguit quiyim qaimaqachin qami'!

Éxodo 8:10

—Ma' nete'e —'naaco' so Faraón. Ca 'naaco' so Moisés: —Ca' chaqaida 'neeta ma'le, qaiyi 'yiiñi' quiyim qaica 'nejem ñi qara'gaxala' qota'olec.

Éxodo 8:6

Ca' so Aarón quelec nqai'en sá'ogue so huaxaỹaq quiyi Egipto. Ca chicqañigui ana piyiloxoloxo, ca' no'xalec yá'ogue yi 'laua.

Éxodo 9:15

Ỹim seshit quet quiyim sachaxañiraxarom da iquesaxanaxa quiyim so'uet ca nouaxanaxashichi' senaqairaxalec, chaqai na qauochi' ca ne'ne', ca shi'gue quet palac aqami' quena 'laua.

Isaías 45:5

Ỹim ná'maq ỹim na'gaxala', ca' qaica liỹa; qaica ca liỹa qota'olec ỹoqa'oga caỹim. Ỹim sa'maxajñi qami' quiyim qami' loquiaxai, 'eno'm saqa' huañirapiguiỹa',

Jeremías 19:8

Najo na'a' lodegaxat ñigui nqaishin ca 'laua qaica qom, ca' 'ue ma'le ca nqolonaxa ná'ogue ná'maq que'tegue yi'maxare. 'Ue ma'le da lqolonaxa chaqai da le'laxa, ma' iuana quiyim yá'ogue ropoqotam.

Daniel 5:21

Ca' qaỹoỹootec quena qom, ca' ñigui 'ec isecỹac nqohin; ca ỹalequetaugui na lolgaqaipi, ỹa'ic na 'uaqapi 'ec na ñii'lola, chaqai ana 'ỹa' pi'guiloxolaxat na loshicmaxa, chi ỹovireta'a na' ỹa'deena'a quiyim ñi qota'olec qaica nqai 'nejem 'ue da lquesaxanaxa napacalec ná'ogue ná'maq nashillipi ỹoiquentac na 'laua, chaqai ñi'maxare ỹana'ñi quiyim nashi cá'maq sham ỹana'ñi.

Apocalipsis 18:8

Ca' vichiguiño' quedajo, ca' queca 'oonoqui' na'xa'a, ca novi' ca nqa'viic: lelauaxa, lachitachic, chaqai lqopaaxa, chaqai qaicopata'a queca norec. Ma' qaica ca qalanac ñi qota'a, ñí'maq qara'gaxala', ñí'maq ỹa'ue da nouaxanaxaset.

Apocalipsis 22:18

Ca' quená'ogue ná'maq na'xaỹaxantapegalo naua la'qaatqa ñi qota'olec naneresañi canajo lere, ca sa'ue da ỹaqataxac: No'm 'ue ca 'ue ca ỹoqotqajno quenauajo, ca' ñi qota'olec ỹoqotqajando queca'maxare nauá'maq nqa'viico naneresañi canajo lere.

1 Samuel 4:8

¡'Xoraiqolqa qomi'! ¿Negue' queto' ca ro'ootaxanlgoto qomi' quiñijo qota'olec chalego lquesaxanaxa? ¡Chaqaiñi ñí'maq nalauajñi so Egipto laseripi huaalco' yi 'laua qaica qom, chaqai ỹo'ueeto' ná'ogue nanchaqaina ne'ne'!