Éxodo 8:8 - La'qaatqa ñi qota'olec Qota'olec & Qota'olec Novita Na Qomyipi

⁸ Co'na'le, ca so Faraón roỹaxane'ogalo' saua Moisés chaqai so Aarón, ca 'naaco': —Nqouagaxaiñiỹot ñi ra'gaxalari qota'olec, qaiyi naqat caỹim chaqai quena iuo' laseripi ana piyiloxoloxo. Ca saxanec ma'le na qauori quiyim ỹo'uet aca lachitaxanataxanqate, ca ỹaanot ñi'maxare.

Éxodo 8:8 Iomraidhean Croise

Éxodo 10:16

Ca' so Faraón chaqa'ma' roỹaxane'ogalo saua Moisés chaqai so Aarón. Ca 'naaco': —Ỹim 'ue da ỹasauaxaset quiñi qota'a ñí'maq ra'gaxalari chaqai caqamiri.

Éxodo 10:17

Qam ñi'xoresene'toto qamiri quiyim qainaquita nagui sqo quiỹapeguem da ỹasauaxaset chaqai quiyim nqouagaxaiñiỹot ñi qota'olec ñí'maq ra'gaxalari, quiyim naqata'a aỹim quedajo ñouaxanaxaset ralauataxan.

Éxodo 10:18

Ca co'na' so Moisés inoxonec quiñi lauo' so Faraón, ca' nqouagaxainot ñi qara'gaxala'.

Éxodo 14:5

Ca' so lashi yi Egipto 'uo' so la'xaỹaxac quiyim so Israel llaalqaipi qoỹit. Co'na'le, ca' so nashi chaqai so lotauaripi ỹoỹoota'a da la'deenataxanaxac queso'maxare. Ca 'neraco': ¿Chi'neco' ma' saxanqatec so Israel llaalqaipi quiyim eec, ca' tot ro'ueenataxanoto qomi'?

Éxodo 5:2

Qam so Faraón 'naaco': —¿Negue' cá'maq ra'gaxalari quiyim ña'xaỹaxana, ca' saxanec quiyim eec na Israel llaalqaipi? Se seuanapega cá'maq na'gaxala', ca' sqai saxanec quiyim eec na Israel llaalqaipi.

Éxodo 8:15

Qam qaiyiita so Faraón, na' no'ueenlec quedajo, ca lotqai se ỹaqamaq chaqai se na'xaỹaxanalo saua Moisés chaqai so Aarón. Ca ipaquichigui dá'maq 'naaco' na'le ñi qara'gaxala'.

Éxodo 8:29

Ca' so Moisés 'naaco': —Ca ma' ỹim shique'e najo, ca' nete'e chaqa'ma' sashiila ñi qara'gaxala' quiyim ỹoỹoote'oga ana qogo caqami', chaqai quena rotaua'e'ipi, chaqai quena qauochi' laseripi, qam no'm sqai queeta qarayiñi'sac chaqai quepaqchi'sac na llaalqaipi so Israel quiyim eec ỹavigaxat aca lachitaxanataxanqate, ca' ỹaanot ñi qara'gaxala'.

Éxodo 8:32

Qam so Faraón lotqai ỹa'ñaxat añi le'taxanata. Ca' sqai ỹaxanec quiyim eec so Israel llaalqaipi.

Éxodo 8:9

Ca' so Moisés 'naaco' queso Faraón: —Hua', nagui 'ñirapiguiỹa' lagui vi'saque quiyim sashiilaxanlec qami', chaqai na rotaua'e'ipi, chaqai na qauochi', qaiyi eec ana piyiloxoloxo quena ra'aachi' chaqai quena rotaua'e'ipi, ca' qanaata ana lachiugue hueetañigui.

Éxodo 9:27

Ca' so Faraón roỹaxane'ogalo' saua Moisés chaqai so Aarón. Ca 'naaco': —Ñauatalta' quiyim 'ue da so'maqajantac, qam chi ỹasauaxaset chaqai na iuo' laseripi. Mesqaiñi ñi ra'gaxalari.

Éxodo 9:28

Ma' mashic ỹapaguelec ana soxonaxa chaqai ana qalachi nela' ñi qota'olec. Ca' vichiguiño' nagui, ca' tot ñollirañi qamiri. Shiilaxañilgoto qomi' queca ra'gaxalari, ca' ỹim saxandec qamiri quiyim quiipegue' ca'maxare.

Éxodo 9:33

Ca co'na' so Moisés inoxonec quiyi na'a' lodegaxat na' ime retaqata'pegue' so Faraón, ca' ỹachaxanshiguim da lqai'laxat, nqouagaxainot ñi qara'gaxala'. Ca chaqa'ma' ỹaxanegue aso qalachi chaqai so ỹaxat, chaqai tot qaca aca soxonaxa.

Números 21:7

Ca quepegue'o' ca neeta'ñi so Moisés. Ca 'naaco': —¡'Uo' da qarasauaxaset, ma' qomi' se no'uen da sa'xatqatac quiñi qara'gaxala' chaqai caqami'! Ca ¡'maxaraic quiyim shiila'e' ñi qara'gaxala' quiyim naqata'a coqomi' na nanaiquipi! Ca' so Moisés ỹashiila ñi qara'gaxala' quiyim sqai caapeguem so Israel llaalqaipi.

Hechos 8:24

Ca' so Simón 'naaco': —Nqouagaxaiñilec aỹim, shiilahi ñi qara'gaxala', qaiyi sqaica ca taalec aỹim quená'ogue nataq qaỹa'xachim.