Éxodo 8:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' so Aarón quelec nqai'en sá'ogue so huaxaỹaq quiyi Egipto. Ca chicqañigui ana piyiloxoloxo, ca' no'xalec yá'ogue yi 'laua.

Éxodo 8:6 Iomraidhean Croise

2 Samuel 7:22

Ca' qami' ỹa'gaxala', ¡chalego dá'maq lecaic qami'! Ma' qaica cá'maq 'nejem qami', qaica ca liỹa ỹoiquentac ná'ogue, qaqamite'. Ma' chaqaida dá'maq qomá'ogue sa'xaiqachigui na'le.

Salmos 90:2

Na' saqa'laca ana quemaralec qa' ladocai chaqai saqa'leca na 'laua chaqai ná'ogue nanchaqaina, shi'gue nallaaqo', chi ỹovireta'alo caua pa'aaterec na'xata', qaqamite' qami' qota'olec.

Éxodo 10:2

chaqai qaiyi qami' 'qaataxañita ma'le ca qachaalaxai'pi chaqai ca qauachi'ipi dá'maq shinta'gue quiyim seualaxaintac na Egipto laseripi, chaqai ná'maq chalego lecaic ỹo'uet da ne'laxa iuanchigui nqaishin na'maxare, qaiyi ya'yiiñii qamiri ma'le quiyim aỹim ná'maq ỹim na'gaxala'.

Éxodo 15:11

Qami' qara'gaxala', ¡ỹaatqajam qaica ca liỹa nalo'guit aqami'! ¡Qaica ca co'teeta chaqai lodegaxat 'nejem qami'! ¡Ma' 'viichi' na ỹo'uet ca ne'laxa chaqai 'xoic lichic! ¡Ca' ta'chiguit quiyim qaimaqachin qami'!

Éxodo 7:19

Chaqai qai'neeta 'naac ñi qara'gaxala' queso Moisés: —'Ñirapega ñi Aarón quiyim ỹacona yi lashilete, ỹeguec da lqai'laxat, quelec nqai'en ana lachiuguellipi, chaqai na ñaachipi, chaqai naua qai'mi', chaqai ana laquip lahi' na Egipto laseripi, chaqai ná'ogue ana huaxaỹaq lahi'. ¡'Ue ma'le na leuoripi, vire'ta ana na'maqataxanaxaqui quena huaxaỹaq, qo'paq chaqai ana qa'!

Éxodo 9:14

Ma' nagui sahotaque quiyim senaxalec qami' ná'ogue na ỹouaxanaxanqateripi, chaqai na rotaua'e'ipi, chaqai na qauochi' laseripi, qaiyi 'yiiñi' quiyim qaica ca 'nejem aỹim quená'ogue na 'laua.

Éxodo 9:29

Co'na'le, ca' so Moisés 'naaco': —Ca' nagui ma' sovire'oguiyi quena na'a' lodegaxat, ca' ñanojshiguim na ỹaqai'laxat. Ca ñqouagaxainot ñi qara'gaxala', ca' ỹaxanegue ma'le ana qalachi chaqai qaca ma'le ana soxonaxa, qaiyi 'yiiñi' quiyim ñi qara'gaxala' loiquenatec na 'laua.

Isaías 43:10

Ñi qara'gaxala' i'taxajñi dajo, 'naac: Qamiri nauá'maq iqoshaxaua' quedajo, qamiri ilaatqa, qamiri ica'acse', qaiyi ya'yiiñii chaqai pi'iỹa'a aỹim chaqai quiyim ya'yiiñii negue' aỹim. Qaica ca 'auaxaic qota'olec caỹim chaqai qaica ca liỹa ma'le.

Apocalipsis 16:13

Ca na'le, ca seuane'ta quena lap so isecỹac 'ec naanoc, chaqai quena lap so isecỹac lodegaxat, chaqai quena lap só'maq 'neetapega letaxaỹaxanqajnec ñi qota'a chicqauguilo saua tres nase' lecmaxaqa 'nejme' ana piyiloxoloxo.