Éxodo 8:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ma'le, ca' renojlec qami' ana piyiloxoloxo, chaqai na rotaua'e'ipi, chaqai ná'ogue na qauochi' laseripi.

Éxodo 8:4 Iomraidhean Croise

Salmos 107:40

ca' ñi qota'olec se nqo'ta ná'maq ỹo'ueetac na ne'xoric, ca ỹo'maqajnac queca llic quiyi 'laua qaica qom.

Éxodo 10:17

Qam ñi'xoresene'toto qamiri quiyim qainaquita nagui sqo quiỹapeguem da ỹasauaxaset chaqai quiyim nqouagaxaiñiỹot ñi qota'olec ñí'maq ra'gaxalari, quiyim naqata'a aỹim quedajo ñouaxanaxaset ralauataxan.

Éxodo 8:24

Ca' chaqaida 'ne'tegue so qara'gaxala'. Ca' novi' aso ỹaatqajam 'xoic qogo. Ca' taugui ñi lauo' lodegaxat so Faraón, chaqai naua la'aate' so lotauaripi, chaqai yá'ogue yi 'laua Egipto. Ca ma' paguelec ana qogo, ca ná'ogue ná'maq huaalec yi 'laua na'axat.

Éxodo 8:3

Ana lachiugue ỹaatqajam 'ec ni'ỹam ma'le cana piyiloxoloxo. Ime, ca' chicqochiguiñigui aso lachiugue, ca' ta'oga yi ra'aachi'. Ca inoxonougui ỹovirau'a yi relaqsoqochi' quiyi romalachi', chaqai na la'a' na rotaua'e'ipi, chaqai quena liỹa qauochi' laseripi, chaqai na nqatelaxanaxaqui, chaqai na naqaulatqa' na pan.

Éxodo 8:5

Ca' ñi qara'gaxala' 'naaco' queso Moisés: —'Ñirapega ca Aarón quiyim ỹachaxanshiguim aca lashilete, quelec nqai'en na lachiuguellipi, ñaachipi, chaqai qai'imipi, qaiyi chicqochiguiñigui ma'le ana piyiloxoloxo, nenoxonshiguim, ca' taalec ná'ogue na 'laua Egipto.

Éxodo 9:28

Ma' mashic ỹapaguelec ana soxonaxa chaqai ana qalachi nela' ñi qota'olec. Ca' vichiguiño' nagui, ca' tot ñollirañi qamiri. Shiilaxañilgoto qomi' queca ra'gaxalari, ca' ỹim saxandec qamiri quiyim quiipegue' ca'maxare.

Números 21:7

Ca quepegue'o' ca neeta'ñi so Moisés. Ca 'naaco': —¡'Uo' da qarasauaxaset, ma' qomi' se no'uen da sa'xatqatac quiñi qara'gaxala' chaqai caqami'! Ca ¡'maxaraic quiyim shiila'e' ñi qara'gaxala' quiyim naqata'a coqomi' na nanaiquipi! Ca' so Moisés ỹashiila ñi qara'gaxala' quiyim sqai caapeguem so Israel llaalqaipi.