Éxodo 8:32 - La'qaatqa ñi qota'olec Qota'olec & Qota'olec Novita Na Qomyipi

³² Qam so Faraón lotqai ỹa'ñaxat añi le'taxanata. Ca' sqai ỹaxanec quiyim eec so Israel llaalqaipi.

Éxodo 8:32 Iomraidhean Croise

Éxodo 8:15

Qam qaiyiita so Faraón, na' no'ueenlec quedajo, ca lotqai se ỹaqamaq chaqai se na'xaỹaxanalo saua Moisés chaqai so Aarón. Ca ipaquichigui dá'maq 'naaco' na'le ñi qara'gaxala'.

Éxodo 8:31

Ca' ñi qara'gaxala' ỹo'uet dá'maq rashiilaxantaque so Moisés. Ca' aso qogo ca'e so Faraón, chaqai queso lotauaripi, chaqai queso lauo' laseripi.

Éxodo 8:8

Co'na'le, ca so Faraón roỹaxane'ogalo' saua Moisés chaqai so Aarón, ca 'naaco': —Nqouagaxaiñiỹot ñi ra'gaxalari qota'olec, qaiyi naqat caỹim chaqai quena iuo' laseripi ana piyiloxoloxo. Ca saxanec ma'le na qauori quiyim ỹo'uet aca lachitaxanataxanqate, ca ỹaanot ñi'maxare.

Éxodo 9:7

Ca' so Faraón relaataxan quiyim qara'ajnaxane'oga so laloipi so Israel llaalqaipi, qam qaica ca ileu. Qam qaiyiita so Faraón ỹa'ñaxat añi le'taxanata, ca sqai ỹaxanec quiyim eec so Israel llaalqaipi.

Isaías 63:17

Qami' qara'gaxala', ¿chi'negue ma' 'viichi' quiyim shitaq ca nayicyaxaqui', chaqai 'ñaxachi' añi qare'taxanata quiyim se ña'xaỹaxanqairaxaua'? Dalaxachi' dá'maq 'ñiisari' coqomi'; ñaq rqouaquiteguelo naua relaataxahi' chaqai quená'maq ni'ic ralamaxarichi'.

Romanos 2:5

Qam qami' 'ñaaxai le'taxanata, ca se netogochigui na qavilli'. Vichiguiño' ca chi niỹoqoiseguelta' quena rasauaxashichi', ma' ỹovita ca na'xa'a ma' ñi qota'olec ichoxot ná'ogue na nasauaxaset, ca' quiñi 'óna qaỹa'ue ca nouaxanaxaset,