Éxodo 8:22 - La'qaatqa ñi qota'olec Qota'olec & Qota'olec Novita Na Qomyipi

²² Ca ma' ỹovirelec quiyim ipaquichigui dajo, ca soỹoote'oga ma'le yi 'laua Gosén yí'maq neetalec yi ỹalamqateripi. Ca quiyi'maxare qaca aca 'oonole qogo ma'le, qaiyi qami' 'yiiñi' quiyim ỹim na'gaxala' seuetalec najo 'laua.

Éxodo 8:22 Iomraidhean Croise

Génesis 46:34

ca' qamiri 'ñiỹaco' dá'maq ỹaatqajam qaro'ueenataxanaxac qaidaata da quiyim seloxoiqata'a ana qagreta shinqatam yí'maq 'auaxaic qareta'allipi. Qaiyi shichii ñiỹalec najo 'laua Gosén, ma' na Egipto laseripi se qaỹa'maxariñiguit quiyim lauora na neloxoỹaripi cana qagreta.

Salmos 110:2

Quena Sión ñi qara'gaxala' qota'olec ỹaanem qami' so lashile' hueetagui da lquesaxanaxa, qaiyi 'viiquiñi'sac na npa'guenaxaua'e'ipi.

Salmos 74:12

Shi'gue quesom qami' ỹashi. Qami' qota'olec ỹaatqajam 'xoic na qadoxonqui' na'le quena 'laua:

Éxodo 10:23

Ca' ỹovirerauec saua tres na'xata' sqaica ca qaiuana quena neuora chaqai sqaican reda quecá'maq neeta'ñi. Qam so Israel llaalqaipi neuanchiguiñi quiyí'maq neeta'ñi.

Éxodo 12:13

Ca' so neuoripi, ca' chi netanegue' qamiri quiyim tañii' naua ra'aachiri, qaiyi ma' ñalauajñi na llaalec na Egipto laseripi, qam caqamiri, ca' qaica ca ileu. Ca ma' seuana ca leuoripi queca 'imec, ca' sa'iitalec.

Éxodo 19:5

Ca no'm qamiri na'xaỹaxanchiua' quená'ogue, chaqai pacqajñichigui dá'maq qana'maqataxac, ca sapacqajnauec quiyim qamiri ỹalamaxarete' quená'ogue na liỹa qomyipi quena 'laua, ma' ná'ogue na 'laua ỹalamaxaret.

Éxodo 20:11

Ma' ỹim ra'gaxalari quecaua seis na'xata', ca so'uet na'le na piguim, na 'laua, ana huaaxai, chaqai ná'ogue nanchaqaina 'ue quena'maxare. Ca ñco'matec na' ime' saua seis na'xata'. Vichiguiño' lloyagaxat da ỹa'qaatec quesojo na'xa'a ñco'mataxaqui, ca soỹoote'oga quiyim sauaaque qayimaqachin quesojo na'xa'a.

Éxodo 7:17

Vichiguiño' ñi qara'gaxala' 'naac caqami': Nagui, ca' ya'yiiñi' ma'le quiyim aỹim na'gaxala'. Nagui ma' souaxanñigui na huaxaỹaq cana lachiugue cana ỹashilete llo'qoota'a, ca' najo huaxaỹaq ñigui leuoripi ma'le.

Éxodo 8:10

—Ma' nete'e —'naaco' so Faraón. Ca 'naaco' so Moisés: —Ca' chaqaida 'neeta ma'le, qaiyi 'yiiñi' quiyim qaica 'nejem ñi qara'gaxala' qota'olec.

Éxodo 8:21

Ma' no'm sqai 'xañirec quiyim eec na ỹalamqateripi, ca' ñilata qami' ma'le aca qogo, chaqai na rotaua'e'ipi, chaqai na qauochi' laseripi, chaqai quiñi qauochi' 'imec. Chaqai ná'ogue na lauo' na Egipto laseripi no'xagui ma'le cana qogo, chaqai vire'ta na 'laua.

Éxodo 8:23

Ca' ỹim soỹoote'oga ma'le na chi ỹalamaxareteripi quená'maq chi qauochi' laseripi. Ca' nete'e ỹovirelec nqaishin dajo.

Éxodo 9:26

Qam quedá'ogue dajo quiyi 'laua Gosén qaca aca 'oonole qalachi taalec yí'maq neetalec so Israel llaalqaipi.

Éxodo 9:29

Co'na'le, ca' so Moisés 'naaco': —Ca' nagui ma' sovire'oguiyi quena na'a' lodegaxat, ca' ñanojshiguim na ỹaqai'laxat. Ca ñqouagaxainot ñi qara'gaxala', ca' ỹaxanegue ma'le ana qalachi chaqai qaca ma'le ana soxonaxa, qaiyi 'yiiñi' quiyim ñi qara'gaxala' loiquenatec na 'laua.

Éxodo 9:4

Qam ñi qara'gaxala' ỹoỹooteta'oga ma'le na laloipi na Israel llaalqaipi quena laloipi na Egipto laseripi, qaiyi qaica ca ileu quena lalo na Israel llaalqaipi.

Éxodo 9:6

Ca' queso liỹa na'xa'a, ca' ñi qara'gaxala' ỹo'uet quiyim sá'ogue so laloipi so Egipto laseripi nilliviñi. Qam quena laloipi so Israel llaalqaipi qaica ca ileu.