Éxodo 8:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Co'na'le, ca' so 'viiquiaxairipi 'naaco' queso Faraón: —Chaqaiñi ñi qota'olec ñí'maq ỹo'ueetetac dá'ogue dajo. Qam so Faraón qaiyiita se ỹaqamaq chaqai se na'xaỹaxan, ma' chaqaida 'naaco' na'le ñi qara'gaxala'.

Éxodo 8:19 Iomraidhean Croise

Génesis 41:24

Ca' saua nasoolqa roỹapitem' ỹa'gue' saua siete nasoolqa lo'yaxanqa. Ca' ỹim sa'xatema dajo na ra'ỹau'alo naua 'ueenataxaco, qam naua'maxare se ỹa'deene' ca reloqo'tegue.

Salmos 8:3

Quena' ya'iito'ot na piguim ná'maq ro'ueenachiqui', ñi shiraigo chaqai ana huaqajñi ỹañiso'ot na'maxare,

Éxodo 10:23

Ca' ỹovirerauec saua tres na'xata' sqaica ca qaiuana quena neuora chaqai sqaican reda quecá'maq neeta'ñi. Qam so Israel llaalqaipi neuanchiguiñi quiyí'maq neeta'ñi.

Éxodo 10:7

Ca co'na'le, ca' saua lotaua' so Faraón 'neraco': —¿Chi' laquio' qarayaxanñi sojo ỹale? 'Maxaraic 'xañirec yijo qomyipi, qaiyi eec, quepegue' nqouagaxainot ca chi la'gaxala' qota'olec. ¿Se retañi'o' quiyim na Egipto mashic nqo'neetañi?

Éxodo 11:7

Qaiyi 'yiiñii qamiri quiyim ñi qara'gaxala' ỹa'den quiyim ỹoỹooteta'oga na Egipto laseripi quena Israel llaalqaipi, quiyim vire'ta ñaqai pioq quet ca itou'ga ca qom loqo'm ca isecỹac quena Israel llaalqaipi.

Éxodo 9:26

Qam quedá'ogue dajo quiyi 'laua Gosén qaca aca 'oonole qalachi taalec yí'maq neetalec so Israel llaalqaipi.

Éxodo 9:4

Qam ñi qara'gaxala' ỹoỹooteta'oga ma'le na laloipi na Israel llaalqaipi quena laloipi na Egipto laseripi, qaiyi qaica ca ileu quena lalo na Israel llaalqaipi.

Mateo 12:28

Qam ỹim so'daauec na ne'ec lecmaxaic, sahote'e da lquesaxanaxa ñi ne'Espíritu ñi qota'olec. Ca dá'maq 'neeta dajo quiyim mashic novitalo qamiri da lo'ueenataxanaxac ñi qota'a ma' ỹoiquentac ná'ogue najo.

Lucas 11:20

Qam chaqaida da lquesaxanaxa ñi qota'olec da so'ootaxantapega quena ne'ec lecmaxaic, qam dajo ichoxot quiyim qamiri novitalo da lo'ueenataxanaxac ñi qota'a quiyim mashic ỹoiquentac ná'ogue najo.

Juan 11:47

Ca' so fariseoipi chaqai na lashillipi na netaxaỹaxanqajanqaipi quena' qaretaxaỹa'pegue' ñi qota'a lapooguit so nashillipi ỹo'ueetegueñi na leloxoỹaxaquipi quiyim retaxaỹata' so'maxare. Ca 'naaco': —¿Negue' ca shinqata? Ma' so ỹale ỹaatqajam 'xoic na ỹo'uet netanec se qaiuanapega.

Hechos 4:16

Ca' 'nera'po': —¿Chi negue' ca shinqa'teguelo' saua ỹale'? Ma' ná'ogue na na'ñi na Jerusalén ỹa'den quiyim ỹo'ueete' dajo netanec se qaiuanapega, ca' se seshitaq quiyim soqollictaq.