Éxodo 8:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Qam qaiyiita so Faraón, na' no'ueenlec quedajo, ca lotqai se ỹaqamaq chaqai se na'xaỹaxanalo saua Moisés chaqai so Aarón. Ca ipaquichigui dá'maq 'naaco' na'le ñi qara'gaxala'.

Éxodo 8:15 Iomraidhean Croise

Éxodo 14:5

Ca' so lashi yi Egipto 'uo' so la'xaỹaxac quiyim so Israel llaalqaipi qoỹit. Co'na'le, ca' so nashi chaqai so lotauaripi ỹoỹoota'a da la'deenataxanaxac queso'maxare. Ca 'neraco': ¿Chi'neco' ma' saxanqatec so Israel llaalqaipi quiyim eec, ca' tot ro'ueenataxanoto qomi'?

Éxodo 8:14

Ca na qomyipi lapoon ana piyiloxoloxo leuaxai, ỹahota'ahi naua lapoonqa, ỹomaxata' na lahita se no'uen.

Éxodo 8:16

Ca' ñi qara'gaxala' 'naaco' queso Moisés: —'Ñirapega ñi Aarón ỹacona ayi lashilete, ca ỹouaxanñigui na lamoxoỹaxa na 'laua, qaiyi ñigui ra'gaxan, ca no'xalec ná'ogue na 'laua Egipto.

Éxodo 8:28

Co'na'le, ca 'naaco' so Faraón: —Hua', ỹim saxanterec qamiri quiyim quiipegue' yi 'laua qaica qom, qaiyi vigaxachii aca rachitaxanataxanqachii, ca 'ỹaañiỹot ñi ra'gaxalari qota'olec. Qam 'neeto' paguec qoỹoqo'teguelo qamiri quenajo, chaqai nqouagaxaiñitalec aỹim qai'neeta.

Éxodo 8:29

Ca' so Moisés 'naaco': —Ca ma' ỹim shique'e najo, ca' nete'e chaqa'ma' sashiila ñi qara'gaxala' quiyim ỹoỹoote'oga ana qogo caqami', chaqai quena rotaua'e'ipi, chaqai quena qauochi' laseripi, qam no'm sqai queeta qarayiñi'sac chaqai quepaqchi'sac na llaalqaipi so Israel quiyim eec ỹavigaxat aca lachitaxanataxanqate, ca' ỹaanot ñi qara'gaxala'.

Éxodo 8:32

Qam so Faraón lotqai ỹa'ñaxat añi le'taxanata. Ca' sqai ỹaxanec quiyim eec so Israel llaalqaipi.

Éxodo 8:8

Co'na'le, ca so Faraón roỹaxane'ogalo' saua Moisés chaqai so Aarón, ca 'naaco': —Nqouagaxaiñiỹot ñi ra'gaxalari qota'olec, qaiyi naqat caỹim chaqai quena iuo' laseripi ana piyiloxoloxo. Ca saxanec ma'le na qauori quiyim ỹo'uet aca lachitaxanataxanqate, ca ỹaanot ñi'maxare.

Oseas 6:4

Ca' ñi qara'gaxala' 'naac: ¿Nega'ỹo' ca shinta'gue qami' Efraín? ¿Nega'ỹo' ca shinta'gue qami' Judá? Dá'maq rqo'iichii caỹim, 'ec na neue' quiyi nete'eta, 'ec ana 'ỹa' quiyi na'xa'atac, ma' palac quiyi nete'etam.

Hebreos 3:15

Ma' da na'qaatec 'neetasa': Nagui no'm 'xaiỹaque da la'qaatec ñi qota'a, 'neeto' 'ñaxachii añi re'taxanatahi 'ñiitam so qomyipi se na'xaỹaxan.

Hebreos 3:8

'neeto' ra'ñi nqai'ñii añi re'taxanatahi, 'nejem so 'auaxaic qomyipi na'le se na'xaỹaxan, chaqai i'guen na'le ñi qota'a huaalec yi 'laua qaica qom.

Apocalipsis 16:9

Ca' ná'ogue ỹaatqajam ỹaviqueta nqai'en. Qam se netacocha, chaqai se imaqachin ñi qota'a. Ta'ta'a quiyim 'ue na ỹa'xat se no'uen npa'guente'e' ñi'maxare, ñí'maq 'ue da lquesaxanaxa quiyim ilate' naua nqa'viico.