Éxodo 7:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Chaqai qai'neeta 'naac ñi qara'gaxala' queso Moisés: —'Ñirapega ñi Aarón quiyim ỹacona yi lashilete, ỹeguec da lqai'laxat, quelec nqai'en ana lachiuguellipi, chaqai na ñaachipi, chaqai naua qai'mi', chaqai ana laquip lahi' na Egipto laseripi, chaqai ná'ogue ana huaxaỹaq lahi'. ¡'Ue ma'le na leuoripi, vire'ta ana na'maqataxanaxaqui quena huaxaỹaq, qo'paq chaqai ana qa'!

Éxodo 7:19 Iomraidhean Croise

Génesis 1:10

Ca ná'maq rashivita ñi qota'olec leenaxato' nqai'en 'laua, chaqai ná'maq lapooqo' na huaxaỹaq leenaxato' nqai'en huaaxai. Co'na'le, ca' ñi qota'olec iuana quiyim ná'ogue ỹa'maqachiguiñi.

2 Reyes 4:29

Ca co'na'le, ca' so Eliseo 'naaco' queso Giezi: —Na'maxachiriñi, coñichiguit ana ỹashilete, ca' 'itegue da'maxare. Ca no'm 'ue ca nachiñira'guit, totaxan quiñi'o'. Chaqai no'm 'ue ca riquiñi', totaxan saachichiguito'. Ime, ca' ana ỹashilete lli'relec na lashic ca noctoqui'.

Éxodo 10:12

Qam ñi qara'gaxala' 'naaco' queso Moisés: —Chaxañirishiguim na rqai'laxachi', quelec nqai'ñi' na Egipto, qaiyi nanac ma'le ana piñai, qaiyi ỹa'ic ná'ogue na nanecse quena Egipto, chaqai ná'ogue aná'maq ỹitauec na'le aso qalachi.

Éxodo 10:21

Co'na'le, ca 'naaco' ñi qara'gaxala' queso Moisés: —Ỹicshiguim nqai'ñi' na rqai'laxachi' quena piguim, qaiyi 'ue ca napalaxa quená'ogue na 'laua Egipto, chi ỹovireta'a quiyim chi qaipootete'era.

Éxodo 14:16

Ca' chaxañirishiguim ana rashillichi'i', nalojlec nqai'ñi' da rqai'laxachi' ana huaaxai. Ca' shicchigui nqai'ñi' na huaxaỹaq cana huaaxai, qaiyi na Israel llaalqaipi pacta, 'ec rashivichigui.

Éxodo 14:21

Ca' so Moisés ỹachaxanshiguim so lqai'laxat nalojlec nqai'en aso huaaxai, ca' ñi qara'gaxala' nela' so quesaxan nonot chicqa'gue da lqodoigue, naquetac quesá'ogue so pe. Ca' shicchigui nqai'en aso huaaxai, ca' chaqaido' da 'neeta na'le, ca' ñi qara'gaxala' ñigui nqai'en aso huaaxai 'laua rashivijlec.

Éxodo 14:26

Qam ñi qara'gaxala' 'naaco' na'le queso Moisés: —Nachaxañirishiguim na rqai'laxachi' naloqojñiterelec ana huaaxai, qaiyi pilta' na huaxaỹaq, ca' taalec ma'le na Egipto laseripi chaqai ana lahoglena chaqai na shipiguiripi.

Éxodo 4:9

Qam no'm se qoyiuelec chaqai se qana'xaỹaxana qami' quesauajo netanqa, ca' naqachirishiguim ca huaxaỹaq caso lachiugue, ca cochirelec na 'laua. Ca cá'maq huaxaỹaq taañi quena 'laua, ca' ñigui leuoripi.

Éxodo 8:16

Ca' ñi qara'gaxala' 'naaco' queso Moisés: —'Ñirapega ñi Aarón ỹacona ayi lashilete, ca ỹouaxanñigui na lamoxoỹaxa na 'laua, qaiyi ñigui ra'gaxan, ca no'xalec ná'ogue na 'laua Egipto.

Éxodo 9:33

Ca co'na' so Moisés inoxonec quiyi na'a' lodegaxat na' ime retaqata'pegue' so Faraón, ca' ỹachaxanshiguim da lqai'laxat, nqouagaxainot ñi qara'gaxala'. Ca chaqa'ma' ỹaxanegue aso qalachi chaqai so ỹaxat, chaqai tot qaca aca soxonaxa.