Éxodo 7:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca na' ime, ca ñi qara'gaxala' 'naac queso Moisés: —Ñi Faraón ỹaatqajam 'ue da na'ñaaqataxac, ca' sqai ỹaxanec quiyim eec na Israel llaalqaipi.

Éxodo 7:14 Iomraidhean Croise

Éxodo 10:1

Ca' ñi qara'gaxala' 'naaco' queso Moisés: —Mo'e', quirepegue' ñi Faraón, ma' ỹim so'uet quiyim ñi'maxare chaqai na lotauaripi ỹa'ñaxat añi le'taxanata, ca' se na'xaỹaxan. Qaiyi seshit sachaxanem quiyim so'uet ná'maq chalego lecaic ỹo'uet ca ne'laxa,

Éxodo 10:20

Qam ñi qara'gaxala' ỹo'uet quiyim so Faraón ỹa'ñaxat añi le'taxanata, ca se ỹa'maxaren quiyim eec so Israel llaalqaipi.

Éxodo 10:27

Qam ñi qara'gaxala' ỹa'ñaxat añi le'taxanata so Faraón, ca se ỹasenec quiyim eec so qomyipi.

Éxodo 10:4

Ma' no'm qaiyiita se na'xaỹaxañi', ñaq nolli'sañi, sqai 'xañirec na ỹalamaxareteripi, ca' nete'e ñila' aca piñai, taalec nqaishin ná'ogue na na'laua'e'.

Éxodo 7:15

Qam nete'e ma' nete'etam, ca' quirepegue'. Ma' queeto'ot na lahi aso lachiugue, ca' nauaañichiguit. Qam 'xachite' ma'le aca rashillichi'i' cataq ñigui na'le nanaic.

Éxodo 8:11

Ca' ana piyiloxoloxo ca'e ma'le ñi qauochi', ca' qanaata ana lachiugue hueetañigui. Ca' tot novira'a qami', na rotaua'e'ipi chaqai na qauochi' laseripi.

Éxodo 8:15

Qam qaiyiita so Faraón, na' no'ueenlec quedajo, ca lotqai se ỹaqamaq chaqai se na'xaỹaxanalo saua Moisés chaqai so Aarón. Ca ipaquichigui dá'maq 'naaco' na'le ñi qara'gaxala'.

Éxodo 8:2

Ma' no'm sqai 'xañirec na qomyipi quiyim eec, ca' ỹim ño'xataxajlec ná'ogue na na'laua'e' cana piyiloxoloxo.

Éxodo 9:2

Ca no'm sqai 'xañirec, ta'ta'a quiyim ñaq nolli'sañi,

Éxodo 9:34

Qam so Faraón co'na' ỹa'den quiyim ỹaxanegue so ỹaxat chaqai aso qalachi, ca lotqai 'ue da lasauaxaset. Ca' tot qaisoota se na'xaỹaxan, ma' qai'neeta sá'ogue so lotauaripi.

Éxodo 9:7

Ca' so Faraón relaataxan quiyim qara'ajnaxane'oga so laloipi so Israel llaalqaipi, qam qaica ca ileu. Qam qaiyiita so Faraón ỹa'ñaxat añi le'taxanata, ca sqai ỹaxanec quiyim eec so Israel llaalqaipi.

Isaías 1:20

Qam no'm qaiyiita se na'xaỹaxañii, ca' qaica lata' quiyim qaralauachii ma'le queca lauataq. Chaqaiñi ñi qara'gaxala' ñí'maq ỹa'xat dajo.

Hebreos 12:25

Vichiguiño' ỹaatqajam richilliỹaño' 'neeto' lotqai 'ue ca se icoñiguit ñí'maq retaqatapegalo qomi'. Ma' sqaica ca qohit quesó'maq se na'xaỹaxano' na'le ñi qota'a na' qatetapega so qomyipi quenajo 'laua, ca ¿huose'queto' qohite' qomi' no'm se ña'xaỹaxanaxa ñí'maq qota'a neteltapegalo qomi' neeta'gue da piguim?