Éxodo 6:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' ñi qara'gaxala' 'naaco': —Nagui, ca' huañichigui ma'le dá'maq shine'tegue ñi Faraón, ma' ñi'maxare se nanoiquentac quiyim ỹaxandec qamiri quenajo 'laua. Chaqai sqa ỹodolec ca chi reto nquesaxanaxa, ca ñi'maxare chi ỹo'derauec qamiri ma'le. (6.2—7.13 Ñi qota'olec roỹaxanalo so Moisés chaqai so Aarón.)

Éxodo 6:1 Iomraidhean Croise

Éxodo 11:1

Ca' ñi qara'gaxala' 'naaco' queso Moisés: —Qaiyiita so'uet ca nouaxanaxaset, taalec nqaishin ñi Faraón chaqai na Egipto laseripi. Ca ma' ime dajo, ca' ñi Faraón sqaidaata quiyim ỹasenterec qamiri quiyim oquii. Ta'ta'a quiyim chaqaiñi ñi'maxare ỹo'derauec ma'le qamiri quenajo.

Éxodo 12:31

Ca' chaqaicaata ca pe, ca' so Faraón relaataxane'ogalo saua Moisés chaqai so Aarón. Ca 'naaco' quesaua'maxare: —Mohi, oquii'e najo, noỹoochiuec quena iuo' laseripi qamiri chaqai ná'ogue na Israel llaalqaipi. Mohi, quiipegue' nqouagaxaiñiỹot ca ra'gaxalari, repaguiỹalec dá'maq 'ñiỹac.

Éxodo 12:33

Ca' na Egipto laseripi ỹaatqajam iỹalqachit na Israel llaalqaipi quiyim se naỹaloxoren quiyim ca'e yi 'laua, ma' 'neetapigui lauel quiyim sá'ogue ileu.

Éxodo 12:39

Ca ma' sqaica ca ledaaqa' quiyim ỹo'uet ca nouene' aloq, ma' so Egipto laseripi ỹo'daauec ca'e nqai'en yi 'laua, ca ỹo'uet ana lqueualata ỹachigoxotaugui aso laqaulata quiyi Egipto saqa'laca aca lalequete lpe'taqate.

Éxodo 14:13

Qam so Moisés 'naaco' queso qomyipi: —Sqaica ro'chiỹaque queda 'ñiitari'. Chaqaida 'ñiitari', ca' 'ajñii cá'maq lo'ueenataxanaxac ñi qara'gaxala' quiyim nca'laxaterec qamiri, ma' tot qaica ma' liỹa quet huañiỹa ná'maq daañita'guit nagui Egipto laseripi.

Éxodo 15:6

Qami' qara'gaxala', da qatoiqui' ỹaatqajam quesaxanaxaic, dá'maq ỹopoxoỹaxachigui so qanpa'guenaxaua.

Números 23:23

Quena llaalqaipi so Jacob qaica ca 'negue quiyim qainaxalec ca se no'uen, quena Israel llaalqaipi qaica nqai 'negue nqai'en cá'maq qohine'tegue ca ne'naxac. Ca' nagui qaidaata quiyim qohinac quena Israel: ¡Ỹaatqajam 'xoic na ỹo'uet ñi qota'olec caqami' ỹo'uet da ne'laxa!

Hechos 13:17

Ñi qota'olec quena qomyipi Israel laseripi, ñi'maxare chi lca'acsec so 'auaxaic qareta'allipi chaqai ỹo'uet quiyim noquiiguec so qouo' laseripi co'na' ñaqai neeta'ñi yi ỹoqa'a 'laua Egipto. Ca co'na' ime, ca naqatec, ca'e nqai'en yi 'laua, ỹahote'e da lquesaxanaxa.