Éxodo 5:2 - La'qaatqa ñi qota'olec Qota'olec & Qota'olec Novita Na Qomyipi

² Qam so Faraón 'naaco': —¿Negue' cá'maq ra'gaxalari quiyim ña'xaỹaxana, ca' saxanec quiyim eec na Israel llaalqaipi? Se seuanapega cá'maq na'gaxala', ca' sqai saxanec quiyim eec na Israel llaalqaipi.

Éxodo 5:2 Iomraidhean Croise

2 Reyes 18:35

¿Nega'ỹo' ca quena nashiilec nqolaquipi ishit quepaxat da lquesaxanaxa quená'maq neetalgoto 'lauari ñi nashi na'ñi yi Asiria? ¿Chi'neco' ma' qamiri 'ñiitapega quiyim ñi ra'gaxalari ishit nca'laxatec na Jerusalén?

Salmos 14:1

Na se nouoguiñi 'neetapigui lauel qaica ñi qota'olec: ná'ogue ỹo'meetajlec; chalego la'aaxa na ỹo'ueetetac; ¡qaica quet cá'maq ỹo'uet ca ỹa'maqachiguiñi!

Éxodo 7:17

Vichiguiño' ñi qara'gaxala' 'naac caqami': Nagui, ca' ya'yiiñi' ma'le quiyim aỹim na'gaxala'. Nagui ma' souaxanñigui na huaxaỹaq cana lachiugue cana ỹashilete llo'qoota'a, ca' najo huaxaỹaq ñigui leuoripi ma'le.

Jeremías 42:13

Qam no'm qamiri sqai 'maxariñii ñiitalec najo 'laua, ta'ta'a quiyim se na'xaỹaxañiỹa ñi qara'gaxala' qota'olec,

Daniel 3:15

¿Qamiri shichita quiyim ma' 'xaiỹaque ca niviiguellipi, ca 'chiiñi naua re'cootallii quiñí'maq selaataxanlec quiyim qaỹo'uet chaqai nqouagaxaiñiỹot? Ma' no'm se nqouagaxaiñiỹot, ca' nagui chaqa'ma' qainaxarougui qamiri ñi nqatelaxanaxaqui ỹaviquetaugui. Ca ¿negue' queto' ca qota'olec rca'laxachiiuec?

Juan 16:3

Dajo qohine'teguelo qamiri ma'le, ma' se qaiuanapega ñí'maq qota'a chaqai aỹim.

Romanos 1:28

Ma' mashic tot ỹa'deenapega ñi qota'a, ca' ñi'maxare ca'e na'maxare quedá'maq se no'uen la'deenataxanaxac, qaiyi ỹo'uet ná'ogue ná'maq se no'uen.

2 Tesalonicenses 1:8

Ma' novi' so'maxare, ca' ỹa'ue ca nouaxanaxaset ná'maq se ỹa'deenapega ñi qota'a chaqai se na'xaỹaxana da na'qaataxac so qara'gaxala' Jesucristo.

Jueces 2:10

Ca' qai'neeta ileu so llaalqaipi so Israel só'maq naloxouaripi so Josué. Ca' chaqaida 'neeto' na'le quiyim so dalaxaic ne'qaañi qomyipi qaica ca ỹa'den ñi qara'gaxala' chaqai ná'maq lqouagaxa queso Israel llaalqaipi.

1 Samuel 2:12

Ca' saua llaalqa so Elí ỹaatqajam hualoxona', qaica ca ỹahoraque ñi qara'gaxala',

1 Samuel 25:10

Qam so Nabal 'naaco' quesaua'maxare: —¿Nega'ỹo' cá'maq David? ¿Nega'ỹo' cá'maq llaalec ca Isaí? ¡Ma' nagui quenauajo na'xata' 'xoic na nelaatqaipi 'eetapeguem na na'co'!