Éxodo 5:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ca' saua la'gaxalate' da no'ueenataxanaxac quena Israel llaalqaipi ỹaatqajam 'ue da leuogoxo na' qohinapega quiyim ipaquichigui yí'maq ỹo'uet losoc quiyi na'xa'a.

Éxodo 5:19 Iomraidhean Croise

Éxodo 5:18

¡Mohi, quii, 'ueenataxañii! Ca 'eno'm tot qanodootau'alo qamiri nagui na 'uaqapi, qam qaiyiita viritac cá'maq chaqai'en ỹorete' ca losoc ro'ueenachiguii.

Éxodo 5:20

Ca co'na' nenoxonec quiyim retaqata'pegue' so Faraón, ca nachiñi'chiguita saua Moisés chaqai so Aarón rauaanaxanta'pe.

Éxodo 5:8

Qam 'ñiỹapego' quiyim se naqaguiñi nqai'en ca lo'ueenatec liỹorete' ca losoc. ¡Quenagui se naqaguiñi ca 'oonoqui' losoc! Ma' na'maxare hualaiquipi, chi ỹaualqatagui, 'naac: “Qolaq, so'ueetaq aca qarachitaxanataxanqate, savigaxataq, ca' saanqot ñi qota'olec coqomi'.”

Eclesiastés 4:1

Ca lotqai sa'ajan dá'maq 'neetari' ná'maq pataqatañi na qom quena 'laua. Ca' seuana quiyim ná'maq qaipataqatañi noỹentagui, qam qaica cá'maq lo'daxachigui lauel; ỹaatqajam 'ue da lqa'viic ná'maq pataxasoxontac, qam qaica cá'maq lo'daxachigui lauel.

Eclesiastés 5:8

'Neeto' re'laqaita quiyim 'ue ca 'laua qaica ca qaỹauaaque na 'xoraic chaqai quiyim se qaỹa'maxata'gue dá'maq no'uen ñicyaxac, ma' ná'maq lodegaxat nashi qoshiilec cá'maq liỹa nashi paguec lecaic, chaqai ná'maq paguec lecaic qoshiilgoto nauá'maq liỹa' paguec sqa lote'.