Éxodo 5:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca co'na' ime dajo, ca' so Moisés chaqai so Aarón querepegue' so Faraón, ca 'neraco': —Ñi qara'gaxala', ñí'maq qota'olec queso Israel llaalqaipi, 'neetasa' da la'qaatec: 'Xañirec ñaqai eec na qomyipi, quepegue' yi 'laua qaica ca qom, qaiyi ỹo'uet ca lemaqachic quiyim yimaqachin.

Éxodo 5:1 Iomraidhean Croise

1 Reyes 21:20

Ca' so Acab 'naaco' queso Elías: —¿Ca' nachiriua', qami' ñpa'guenaxaua? —Ajá'a, sanata qami' —'naaco' so Elías—. Ma' qainaata na se no'uen 'viichi'sac quiñi qara'gaxala'.

Éxodo 10:3

Ca' so Moisés chaqai so Aarón querepegue' so Faraón, ca 'neraco': —Ñi qara'gaxala' ñi qota'olec quena hebreoipi 'naac: ¿Chi' laquio' quiyim niñiiquishiñi' caỹim? 'Xañirec na ỹalamaxareteripi, qaiyi nqouagaxainot aỹim.

Éxodo 10:4

Ma' no'm qaiyiita se na'xaỹaxañi', ñaq nolli'sañi, sqai 'xañirec na ỹalamaxareteripi, ca' nete'e ñila' aca piñai, taalec nqaishin ná'ogue na na'laua'e'.

Éxodo 10:9

Ca' so Moisés 'naaco': —Qomi' ma' qolaq, ca' qariỹaatac na ñaaqaipioqui' chaqai na qo'xoiquipi, naua qochaalqa chaqai naua qochaale, chaqai ana qolo qagreta chaqai ana huaca, ma' coqomi' ỹaatqajam lemaqachic lodegaxat ñi qara'gaxala'.

Éxodo 7:16

Ca' quiyi ma'le, ca 'ñirapega: Ñi qara'gaxala', ñi qota'olec quena hebreoipi yilata qami' quiyim shinac quiyim 'xañirec na qomyipi quiyim quepegue' ñi'maxare, ca nqouagaxainot quiyi 'laua qaica qom. Qam vire'ta nagui saqa' na'xaỹaxañi'.

Éxodo 8:1

ca' 'naaco' queso Moisés: —Mo'e', quirepegue' ñi Faraón. Ma' vichira'a, ca 'ñiraco': 'Neetasa' da la'qaatec ñi qara'gaxala': 'Xañirec quiyim eec na qomyipi ỹalamaxaret, qaiyi nqouagaxainot aỹim.

Éxodo 8:16

Ca' ñi qara'gaxala' 'naaco' queso Moisés: —'Ñirapega ñi Aarón ỹacona ayi lashilete, ca ỹouaxanñigui na lamoxoỹaxa na 'laua, qaiyi ñigui ra'gaxan, ca no'xalec ná'ogue na 'laua Egipto.

Éxodo 8:17

Ca' chaqaida 'neetetegue. Ca' so Aarón nanojshiguim aso lashilete, ca ỹouaxanñigui na lamoxoỹaxa na 'laua quiyi Egipto. Ca' ñigui ra'gaxan, ca se lo'daxat na qomyipi chaqai na iseripi.

Éxodo 8:20

Ca' ñi qara'gaxala' 'naaco' queso Moisés: —Ñi Faraón o'teetaxasom nete'e caso lachiugue. Ca' qami' ma' na'xa'atac, ca' qui', ca 'ñirapega: 'Eda da 'naac ñi qara'gaxala': 'Xañirec na ỹalamqateripi, qaiyi nqouagaxainot aỹim.

Éxodo 8:27

Qam qomi' sahoqotaque quiyim qolaqpegue' yi 'laua qaica qom. Yi'maxare sovitaxa quecaua tres na'xata' qolqata. Ca' ma' sovitaxa, ca' savigaxataq aca qarachitaxanataxanqate, ca saanqot ñi qara'gaxala' qota'olec, qaiyi ipaquichigui nqaishinaq dá'maq la'qaatec ñi'maxare.

Éxodo 9:1

Co'na'le, ca' ñi qara'gaxala' 'naaco' queso Moisés: —Mo'e', quirepegue' ñi Faraón. Ca ma' vichita, ca 'ñiraco': Ñi qara'gaxala' ñí'maq qota'olec quena hebreoipi 'naac caqami': 'Xañirec na ỹalamqateripi, qaiyi nqouagaxainot aỹim.

Éxodo 9:2

Ca no'm sqai 'xañirec, ta'ta'a quiyim ñaq nolli'sañi,

Isaías 25:6

Cada qa' ladocai leenaxat Sión ñi qara'gaxala' qaica lqalanec 'ue ca ỹa'maxajñi ma'le quená'ogue na ỹoreta'oguit qomyipi ỹo'uet ca nqui'ỹaxac lodegaxat chalego loyac chaqai na ñaauapec lataxa, chalego lo'daxa na na'ic chaqai ná'maq no'uen lataxa.

Ezequiel 2:6

Qami' ỹale, totaxan ro'chita yi'maxare chaqai cá'maq 'naac caqami', 'eno'm 'ec vi'sañigui ca leesat loqo'm 'ec vi'sañigui ca pa'lotoxoiquipi. Totaxan ro'chita cá'maq 'naac yi'maxare caqami' chaqai quiyim na'axachigui na lashic, 'eno'm chalego re'qoota da lauel caqami', qam se ro'daxachirec.

Mateo 10:18

Ca vire'to' ma' viriỹau'a ná'maq reloqota'alo naua 'lauari chaqai ná'maq lashillipi na'maxare, ma' qamiri ỹalamaxarete', qaiyi shichii ya'xachitac quena'maxare chaqai quena sqai judioipi.

Mateo 10:28

Ca se ro'chiỹa cá'maq ishit ỹalauat na noshicmaxa, qam se ishit ỹalauat yi pa'aauo chaalataxac. Ta'ta'a quiyim ro'chiỹa ñi qota'olec ñí'maq ishit ỹalauat na qaroshicmaxa chaqai so qara'al inaxañigui ca norec navicqatqa' na hualoxonyipi.

Hechos 4:29

Qam nagui qami' qara'gaxala' qota'olec, 'ajñi' da npa'guenaxague', ca' 'ỹaañitem ca la'ñaxague' lavilli' caua relaataxahi', qaiyi ma' ỹa'xate' naua ra'qaataxahi' qaica ca no'chiiraque,

1 Corintios 5:8

Vichiguiño' quiyim soqolqata'pegue' ñi qota'a, no'uen quiyim qolqata'gue da 'chichiguiñi ñicyaxac chaqai da ỹaatqajam lliqueta leloxoỹaxac da na'qaatec, dá'maq 'nejem aca naqaulata qaca aca lalequete. Se ishit quiyim qolqatalec da se ỹa'maxañi chaqai se no'uen, ma' da'maxare 'nejem aca ñauapec nalequetenaxanqate.