Éxodo 40:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ime, ca' coñita ca aceite cá'maq nocoraxanaxat, ca' cochirelec cajo 'imec chaqai ná'ogue ná'maq hueetaugui ca'maxare. Chaqai ỹaatqajam co'taxachite' ná'maq no'ueetqateripi ca'maxare, ca' cajo 'imec na'daañi lalamaxaret ñi qota'olec.

Éxodo 40:9 Iomraidhean Croise

Salmos 45:7

Qami' nashi, ỹaatqajam rqo'chita ná'maq no'uen chaqai se rqo'chita na se no'uen. Vichiguiño' nca'au'a qami' ñi qota'olec ñí'maq qota'olec caqami', Ca' 'xoic nqai'en da netoonaxaqui', ỹapacauec nqai'en qami' quena riỹachi'ipi.

Éxodo 40:8

Ime, ca' viqui' ca lquepaqataxat yi nasoxoc quenaua lahil chaqai ca lapoxot ca ñigo quiyi nasoxoc.

Isaías 11:2

Ca' so ne'espíritu ñi qara'gaxala' hueetalec ma'le so'maxare, ca' qoỹaanem da na'deenaxanaxa, nco'ỹaxaric, 'xaỹaxanqachic chaqai da nquesaxanaxa, chaqai na'deenec quiyim se qanapacalec ñi qara'gaxala'.

Isaías 61:1

Ñi ne'espíritu ñi qara'gaxala' hueetalec aỹim, ma' ñi qara'gaxala' ỹim lca'acsec, ca' yila' quiyim sa'xatem da no'uen la'xaỹaxac na 'xoraiquipi, sotauan ná'maq 'ue na leuogoxo, sa'xat quiyim qaỹosouec na ncoñiitecseripi;

Mateo 3:16

Ca co'na' qanachilaxan so Jesús, ca na' nenoxonshiguim quiyi huaxaỹaq, ca 'eco' huachigui na piguim. Ca' so Jesús iuañi'chiguit so ne'Espíritu ñi qota'a naỹa'ña so'maxare 'ec na coviguiñic.

Juan 3:34

Ma' cá'maq qaila' quiñi qota'olec, ca ỹa'xat da la'qaatec ñi'maxare, ma' ñi qota'olec se naloqojnañi quiyim ỹaanec so ne'Espíritu.

2 Corintios 1:22

Chaqai chaqaiñi ñí'maq ỹo'uet ca letanec coqomi', ca' ỹanaguilo naua qare'taxanata ñi Espíritu Santo, ñí'maq i'taxajñi cá'maq seconaxaguit ma'le.

2 Corintios 1:4

Ñi qota'a ñí'maq lo'daxachiguilo qovilli' quenaua'que naua qare'xoyaxaco, qaiyi qomi' seshitaq quiyim llo'daqainaq cá'maq 'ue ca le'xoric, saanqaem dá'maq 'nejem da lo'daqainataxanaxac ñi qota'a coqomi'.

Hebreos 9:21

So Moisés qai'neeta iñitaxajlec queso leuoripi so no'ueenaxanaxaqui chaqai ná'maq qaro'ueenataxantapega hueetaugui so'maxare quena' qaỹo'uet da qouagaxainaxac.

1 Juan 2:20

Qam so Cristo ỹaanema qamiri so Espíritu Santo, ca' qamiá'ogue mashic 'ue ná'maq ra'yiiñiguii.