Éxodo 40:34 - La'qaatqa ñi qota'olec Qota'olec & Qota'olec Novita Na Qomyipi

³⁴ Ca' so naueguelec pojlec nqai'en so 'imec, ca' da lauaq ñi qara'gaxala' ỹaatqajam no'xataxachichigui so'maxare.

Éxodo 40:34 Iomraidhean Croise

2 Samuel 7:6

Chicqochigui so na'xa'a na' ñaqata'a so llaalqaipi so Israel quiyi Egipto, chi ỹovireta'a nagui, se ỹauanapega seuetaugui ca 'imec, ta'ta'a quiyim seuetapougui ca 'imec na'daañoqui'.

Éxodo 14:24

Qam na' na'xa'atac, ca' ñi qara'gaxala' ỹa'ajan so nouaataxanaq nalliripi yi Egipto quesó'maq hueetaugui ỹaviquetaugui naueguelec. Ca' chicqochigui quiyim tot na'maxajta' so'maxare.

Éxodo 16:10

Ca na' ñaq retaqatapougui so Aarón so Israel llaalqaipi, ca sá'ogue ra'ỹa'a yi 'laua qaica qom, ca re'oq so lauaq ñi qara'gaxala' hueetaugui so naueguelec.

Éxodo 25:8

Chaqai 'viichii ca na'daañi 'imec lodegaxat, qaiyi sentañiguilo qamiri ma'le.

Isaías 6:4

Ca' queda lelamaxa da lavillaxague', ca' naua lasomi' ñi no'ueenaxanaxaqui lodegaxat redaỹa'pe, chaqai ñí'maq no'ueenaxanaxaqui no'qaachigui quena nesalaxaripi.

Levítico 16:2

Ca' ñi qara'gaxala' 'naaco' queso Moisés: —'Ñirapega ma'le ñi rqaỹa'e' Aarón quiyim se inoxona'a yi co'teeta ñqa'xanqa' quecanchaqaica na'xa'a yí'maq pootalec queso napoxonaxat, chaqai yi pa'aata'guit añi lapooquete añi lahi' na ilaataxanaxaquipi, qaiyi se ileu. Ma' ỹim ñoviriñi ma'le, seuetaugui so naueguelec, seuetalec añi lapooquete añi lahi' na ilaataxanaxaquipi.

Hageo 2:7

Ca i'loxol nqaishin ma'le ná'ogue na ỹoreta'oguit qomyipi, ca' nodouo ma'le ná'ogue ná'maq hueeto'ot nesallaxa, ca' na qouagaxainaxaqui caỹim no'qaachigui queda lauaq. Ñi qara'gaxala' sqaica lqalanec i'taxajñi da la'qaatec:

Hageo 2:9

Najo co'uaataxanaxaic no'ueenaxanaxaqui paguec loyac ma'le queso 'auaxaic. Ca ma'le, ca' novi' nqaishin ca no'daxa quenajo. Ỹim na'gaxala' sqaica lqalanec, se'taxajñi da ỹa'qaatec. (2.10-14 Ñi qota'olec retaxaỹa so lalamaxareteripi se na'xaỹaxan.)

Romanos 9:4

Ma' na'maxare chaqai llaalqaipi so Israel, chaqai ñi qota'a icoñiguit 'neeta'gue meca llaalqaipi. Ñi'maxare ỹaatqajam ỹalequetaugui na'le na'maxare chalego loyac so lauaq, chaqai ỹaanema naua na'maqataxaco, na naqataxaquipi chicqo'ot so Moisés, chaqai da leloxoỹaxac quiyim qaimaqachin ñi'maxare, chaqai naua ỹachaxanta'pe quiyim ỹaanema.

Apocalipsis 15:8

Ca' añi no'ueenaxanaxaqui ỹaatqajam no'xogui quena nesalaxaripi chicqaugui da lecaic chaqai da lquesaxanaxa ñi qota'a. Ca' quiyi, ca' sqaica ca ishit inoxono quiyi'maxare, toco' ma' imero saua siete nqa'viico i'xatesac saua siete nelaatqa piguim lase'.

Apocalipsis 21:3

Ca' sa'xaỹaque so na'qaatec ỹaatqajam lam, 'maqot na piguim, 'naac: —Ñaqa 'ajñi', nagui ñi qota'olec ỹalequetaugui na qomyipi, ỹaatqajam lauoraripi. Na'maxare ỹaatqajam lauo' laseripi, chaqai chaqaiñi ñi qota'olec ỹalequetaugui yi'maxare, ca' lalamaxaret ñi qota'olec yi'maxare.