Éxodo 40:33 - La'qaatqa ñi qota'olec Qota'olec & Qota'olec Novita Na Qomyipi

³³ Ca co'na' ime dá'ogue, ca' so Moisés ỹo'uet so lapooque', ỹapou'a so 'imec lodegaxat na'daañi chaqai aso ncopatoxonaxalate, chaqai ỹauec so lapoxot so lasom so nasoxoc. Ca co'na' so Moisés ỹomat quiyim ỹa'yiñi so 'imec na'daañi quiyim qanauane'e' ñi qota'olec.

Éxodo 40:33 Iomraidhean Croise

1 Reyes 6:9

Ca' so Salomón na' ime no'xonshiguim so 'imec, ca' ỹapolec quena qo'paq cedro, ỹahote'e lemaqatet.

Éxodo 40:32

Ca saua'maxare ỹaatqajam nquiỹoote' quena' inoxondougui ca 'imec lodegaxat chaqai quena' qanqo'neu'a aso ncopatoxonaxalate, ma' chaqaido' dá'maq 'naaco' na'le ñi qara'gaxala' queso Moisés.

Éxodo 40:8

Ime, ca' viqui' ca lquepaqataxat yi nasoxoc quenaua lahil chaqai ca lapoxot ca ñigo quiyi nasoxoc.

Zacarías 4:9

“Ñi Zorobabel ỹa'vii naua no'xonaxalate' najo no'ueenaxanaxaqui. Ca' chaqaiñi ñí'maq ỹomat ma'le.” Ca' qaigueme 'yiiñii qamiri ma'le chaqaiñi ñi qara'gaxala' sqaica ca lqalanec quiyim chaqaiñi ñí'maq yila'.

Mateo 16:8

Ca' so Jesús retan, ca 'naaco' quesaua'maxare: —¿Chi'negue ma' 'ñiỹac quiyim qaica ca pan caqamiri? ¡Ỹaatqajam cocho'qui' da rpi'ỹaxaguii qamiri!

Juan 10:9

Ỹim ná'maq ỹim lasom; cá'maq inoxontougui aỹim, ca' ca'laaxaic ma'le. Ca 'nejem ma'le aca qagreta quena' inoxono chaqai quiyim nenoxonec cañi lahi', ca' ỹanata ca 'uaqapi.

Juan 14:6

Ca' so Jesús 'naaco': —Ỹim ná'maq ỹim nayic, chaqai aỹim lliqueta, chaqai qai'neeta ỹim nca'laxa. Ỹim qaỹimeta ñigo, ca ishit qaỹovira'a ñi qota'a.

Juan 17:4

Ma' ỹaatqajam semaqachintac qami' nagui quiyim seuetalec na 'laua, chaqai mashic somat dá'maq yilachirelec.

Juan 4:34

Qam so Jesús 'naaco': —Dá'maq noq chaqaida dá'maq quiyim so'uet cá'maq ỹahotaque ñí'maq yila', chaqai quiyim somat da lo'ueenataxanaxac.

1 Corintios 12:12

Ma' so Cristo 'nejem ca 'oonoqui' noshicmaxa, qam 'xoic na louenqaipi. Ca 'eno'm 'xoic, qam inoqueta'ta' queso 'oonoqui' noshicmaxa.

1 Corintios 12:28

Ca 'eda da 'ne'tegue ñi qota'a quena' 'ue ñi ỹaconeu'a quená'maq mashic huelec ñi'maxare quena' ỹo'uet da lo'ueenataxanaxac. Ỹa'maxachichiguiñi da 'ne'tegue quiyim ỹa'auaxan na lelaatec so Jesús, ime lotqai na ỹa'xat da la'qaatec ñi qota'a, ime lotqai na napaxaguinataxanaq, ime lotqai na re'oq nqai'en na nquesaxanaxa se qaiuanapega, ime lotqai na nataren na ralolaxaic chaqai na ỹotauan ca liỹa, chaqai na na'gaxala', chaqai 'ue na ỹa'xate' naua na'qaatqa se qaiuanapegalo.

Efesios 2:18

Ma' chicqochigui nqohin so Cristo, ca ná'ogue ná'maq judío chaqai ná'maq sqai judío quiyim ñqo'naxau'a ñi qota'a, chicqochigui nqohin so Espíritu Santo.

2 Timoteo 4:7

Ma' mashic somat quiyim ñco'uaateguelec da ỹo'ueenataxanaxac, chaqai somat da ñalliquinaxac. Ỹaatqajam llo'qoochiguiñi da npi'ỹaxac.