Éxodo 40:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Pa'xanauo qai'neeta so lashi na ncoỹeraxanaxat queso 'imec, nalo'chiguit so pan lomala', pa'aata'gue nqai'en da 'guiñi quena lauel so 'imec na'daañi.

Éxodo 40:24 Iomraidhean Croise

Éxodo 40:23

Ca ỹa'maxachichiguiñi so pan queso lomala', qaiyi qaỹachaxanoto ñi qara'gaxala'. Ca' ipaquichigui nqohin dá'maq 'naaco' ñi qara'gaxala'.

Éxodo 40:25

Ca' copata'alo' na'le saua ncoỹeraxanaxaqui', ca' ỹachaxanoto ñi qara'gaxala'. Ca' ỹaatqajam ipaquichigui nqai'en dá'maq la'qaatec ñi'maxare.

Éxodo 40:4

Qai'neeta lli'raugui ca lomala' ca pan chaqai añi ncoỹeraxanaxaqui lashi. 'Maxachichiriñi ca lomala' ca pan, ca' nocqajñiro naua lauaq llicshiguim añi ncoỹeraxanaxaqui.

Juan 1:1

Co'na' ná'ogue taañi quiyim qaỹo'uet, ca shi'co' 'ue só'maq qohinaco' na'qaatec. Ca' só'maq qohinaco' quen na'qaatec shi'co' neeto'ot ñi qota'a chaqai so'maxare qota'a.

Juan 1:5

Ca' da lauaq na' naviguec quena napalaxa, ca na napalaxa se ishit ỹo'mat.

Juan 1:9

Só'maq ỹaatqajam ncoỹeraxanaxat, só'maq coỹarelec ná'ogue na qomyipi, so'maxare naata'a na 'laua.

Juan 8:12

So Jesús liỹo' retaqaugui na qomyipi, ca 'naaco': —Aỹim chaqaỹim ná'maq lcoỹeraqate na 'laua. Cá'maq coỹareta'pegue' aỹim, ca 'ue ma'le aca lcoỹeraxanaxaqui ỹo'uet da lca'laxa. Ca totqai hueetapougui ca napalaxa.

Apocalipsis 1:20

Ca' dajo dá'maq leloxoỹaxague' se re'xogui taỹauguilo saua siete huaqajñi huañichiriguilo llo'qoota'alo queda ỹoic, chaqai quesaua siete ncoỹeraxanaxaqui' 'oro: saua siete huaqajñi taỹaugui quiñi 'óna nelaatec quená'maq reloqota'a ná'maq mashic icoñiguit da na'qaatec neetalgoto yaua siete 'lauari, chaqai saua siete ncoỹeraxanaxaqui' taỹauguilo sauá'maq neetalgoto yaua siete 'lauari.

Apocalipsis 2:5

Ca' vichiguiño' no'viñiraque cá'maq hua'ño' na' nachiriñi. Ca' ỹaatqajam netogochigui nqai'ñi' na qavilli'. Ime, ca lotqai liỹa 'viichi' dá'maq 'viichisaiquen na' ñaqai 'avichiguiñi. Ma' no'me', ca' sqaỹaloq shicpegue' aqami', ca' souootaxana'gue añi rcoỹeraxanaxagui'i' quiyi loma'. Qam no'm netogochigui na qavilli', ca' se souootaxana'gue.