Éxodo 40:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Ca co'na' ime, ca' so Moisés ỹaconalo saua qari naneretalgoto saua nelaataxanaxaco, ca' illirañigui aso lahi'. Ime, ca ỹaando saua qo'pa' naconqa so na'maqataxanaxaqui, ca' ỹapoñigui queso lapooque'.

Éxodo 40:20 Iomraidhean Croise

1 Reyes 8:9

Ca' aso lahite' saua naqataxaco qaica ca liỹa hueragui, qaisauate' saua dos qari illa'ñiguilo na'le so Moisés quiyi Horeb, saua qari hueesalec da na'maqataxac na' na'maxate'e' ñi qota'olec so llaalqaipi so Israel na' ca'e yi Egipto.

Salmos 40:8

Ỹim yqo'ta quiyim so'uet cá'maq vi'saque, qami' qota'olec caỹim; ¡da rapaxaguinataxanaxaqui' selliitagui añi i'taxanata!

Éxodo 40:19

Ime, ca' ỹaueguelec so lapooque' so na'daañi 'imec lodegaxat. Ime, ca' lotqai pa'xanashiguim so liỹa lapooque' nqai'en na pa'aashiguim. Ca ipaquichigui nqai'en dá'maq qohinapega quiñi qara'gaxala'.

Éxodo 40:3

Ca' ñiraugui ma'le añi lahi' naua nelaataxanaxaco, ca' vite ma'le ca viqui' lapooque'.

Mateo 3:15

Qam so Jesús 'naaco' queso'maxare: —Qam nagui le'en nqai'ñi' dajo. Ma' paguec la'maxa quiyim sepacqajanqachigui ná'ogue ná'maq ỹahotaque ñi qota'a. Co'na'le, ca' so Juan nachilaxan.

Romanos 10:4

Ma' so Cristo chaqaiso só'maq lqodoc so naqataxaquipi chicqo'ot so Moisés, ca ỹo'uet quiyim ná'ogue ná'maq huelec so'maxare, ca qaicoñi'chiguit quiñi qota'olec.

Romanos 3:25

Ñi qota'olec ỹo'uet chicqochigui nqai'en so Cristo queso lelauaxa, quiyim ishit qaỹapalaxat na nasauaxaseteripi, qam quiyim qoyiuelec so'maxare. Dajo 'ne'tegue, qaiyi re'oq quiyim ñi qota'a ipacqajanchigui dá'maq 'neeta'pegue, ma' mashic quedá'maq leualaxavic liyi le'ne' nqai'ne' sauá'maq 'auaxaqa nasauaxasete'.

Hebreos 4:16

Vichiguiño' qaica quet cá'maq qaro'chiitaque quiyim ñqo'naxau'a yi nqa'xanqa' ñi 'naxanaxaraic qota'olec, qaiyi nqouagueguelo qomi', chaqai queda lqouagaxa, ca' qarotauan quiyim 'ue ca qareuogoxo.

Hebreos 9:4

Hueetaugui aso ncopatoxonaxalate 'oro, aso'maxare ncopatoxolate na nichiinaxanaxat. Chaqai aso lahi' so naqataxaquipi, aso'maxare sá'ogue qaỹa'meenlec quena 'oro, so'maxare hueetañigui aso nehoma 'oro hueetagui so pan leenaxat nega'ỹo' ná'maq najo. Qai'neeta hueeta'anyi aso lashilete so Aarón só'maq liỹa no'ualauco' na'le, chaqai saua qari naneretalgoto saua na'qaatqa queso 'maqataxac.

1 Juan 2:2

So Jesucristo chaqaiso só'maq chicqochigui quiyim qaỹapalaxate' naua qarasauaxasete', chaqai mesqoqometa, ma' qai'neeta quená'ogue na qomyipi hueetalec na 'laua.