Éxodo 40:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ca' so Moisés ỹa'yiñi so 'imec na'daañi, ỹa'vii saua lacanqa, ỹa'vii saua qo'pa', ỹa'vii naua saxariguilo, ỹa'chi'iñi saua lashil.

Éxodo 40:18 Iomraidhean Croise

2 Samuel 7:6

Chicqochigui so na'xa'a na' ñaqata'a so llaalqaipi so Israel quiyi Egipto, chi ỹovireta'a nagui, se ỹauanapega seuetaugui ca 'imec, ta'ta'a quiyim seuetapougui ca 'imec na'daañoqui'.

Éxodo 40:17

Ca' chaqaida nqai'en, ca na' ỹovire'oga so 'auaxaic na'xa'a queso 'auaxaic shiraigo queso co'uaataxanaxaic ñaaxa na' ime qoyique'e yi Egipto, ca' qaỹa'yiñi so na'daañi 'imec lodegaxat.

Éxodo 40:19

Ime, ca' ỹaueguelec so lapooque' so na'daañi 'imec lodegaxat. Ime, ca' lotqai pa'xanashiguim so liỹa lapooque' nqai'en na pa'aashiguim. Ca ipaquichigui nqai'en dá'maq qohinapega quiñi qara'gaxala'.

Éxodo 40:2

—Ca 'auaxaic na'xa'a quiñi 'auaxaic shiraigo, ca 'yiriño' ma'le ca na'daañi 'imcoqui'. Ca' quecajo 'imec na'daañi, ca hua'ñi quiyim qanauane'e' aỹim.

Mateo 16:18

Ca' ỹim shinac caqami' Pedro ma' qami' qa'. Ca' quenajo qa' so'xonejlec ma'le aca ỹo'ueenaxanaxaqui. Ca' vire'ta da nelauaxa se ishit ỹosogui ma'le aca'maxare.

Juan 1:14

Ca' só'maq qohinaco' quen na'qaatec ñigui qom. Ca so'maxare ỹalequetauguilo qomi', qam ỹaatqajam no'qaachigui queda nqo'iichi chaqai dá'maq ỹaatqajam llic leloxoỹaxac. Ca' qomi' seuanqachigui da lauaq, qam dajo lauaq da'maxare chi lalamaxaret lauaq só'maq 'oonoqui' llaalec ñí'maq qota'olec.

Gálatas 4:4

Qam na' ỹovita ca laloqo', ca' ñi qota'a nela' so llaalec, ne'qaañi nqai'en caso 'aalo, chicqotougui nqai'en na judioipi ma' hueetaugui da lapaxaguinataxanaxac na naqataxaquipi.

1 Timoteo 3:15

qaiyi no'm sqaua' sovi', qam 'yiiñite' cá'maq no'uen no'ueenataxac queca 'óna quena llaalqaipi ñi qota'a, ná'maq qohinac mashic icoñiguit da la'qaatec ñi qota'a ñí'maq ỹaatqajam nca'leetauec, ma' na'maxare nolliitañi dá'maq ỹaatqajam llic leloxoỹaxac chaqai quepaqataxanteguelec.

1 Pedro 1:5

Ma' qamiri 'ue da rpi'ỹaxaguii quiñi qota'a, ca ñi'maxare quepaqataxanlgoto qamiri queda lquesaxanaxa, qaiyi viriỹau'a da rca'laxahi ỹahotaque ỹachaxanema qamiri quecaua pa'aaterec na'xata'.

Apocalipsis 21:3

Ca' sa'xaỹaque so na'qaatec ỹaatqajam lam, 'maqot na piguim, 'naac: —Ñaqa 'ajñi', nagui ñi qota'olec ỹalequetaugui na qomyipi, ỹaatqajam lauoraripi. Na'maxare ỹaatqajam lauo' laseripi, chaqai chaqaiñi ñi qota'olec ỹalequetaugui yi'maxare, ca' lalamaxaret ñi qota'olec yi'maxare.