Éxodo 40:13 - La'qaatqa ñi qota'olec Qota'olec & Qota'olec Novita Na Qomyipi

¹³ Chaqai ñi Aarón ỹañiñi cauá'maq qaỹauaapigui no'ueetaxaqui' loho. Ime, ca' ñitaxachirelec queca aceite nocoraxanaxat, qaiyi letaxaỹaxanqajnec na qomyipi quiyim retaxaỹa'pegue' aỹim.

Éxodo 40:13 Iomraidhean Croise

Éxodo 40:14

Ime, ca lotqai qanaueguero caua llaalqa, ca lotqai qoỹañiguilo caua loho lo'ueenataxanaxaqui'.

Isaías 61:1

Ñi ne'espíritu ñi qara'gaxala' hueetalec aỹim, ma' ñi qara'gaxala' ỹim lca'acsec, ca' yila' quiyim sa'xatem da no'uen la'xaỹaxac na 'xoraiquipi, sotauan ná'maq 'ue na leuogoxo, sa'xat quiyim qaỹosouec na ncoñiitecseripi;

Juan 17:19

Naua'maxare sauaxate' quiyim ñañaanot aqami', qaiyi naua'maxare qai'neete' nañaantot aqami', quiichigui nqai'ne' da lliqueta.

Juan 3:34

Ma' cá'maq qaila' quiñi qota'olec, ca ỹa'xat da la'qaatec ñi'maxare, ma' ñi qota'olec se naloqojnañi quiyim ỹaanec so ne'Espíritu.

Hebreos 10:10

Ca' ñi qota'a qarco'taxat, ma' so Jesucristo ỹo'ueeto' na'le dá'maq ỹahotaque ñi qota'a co'na' ỹaanec so loshicmaxa quiyim qaỹalauat, ca' imaauec nqai'en dá'maq qaỹahotaque.

Hebreos 10:29

Ca ¡huose'quet sqai hueetapigui qavillii quiyim paguec lecaic ca nouaxanaxaset cá'maq 'eco' co'ueetapigui so llaalec ñi qota'a, chaqai liỹoqa'piguita saua leuo', chaqai quiyim ishiuentac so ne'Espíritu ñi qota'a ñí'maq re'xorenataxantac! Sauajo neuo' chaqaisaua sauá'maq i'taxachiriñi da 'maqataxac, chaqai chicqochiguilo quiyim co'teete' nqohine' saua'maxare.

1 Juan 2:20

Qam so Cristo ỹaanema qamiri so Espíritu Santo, ca' qamiá'ogue mashic 'ue ná'maq ra'yiiñiguii.

1 Juan 2:27

Qam mashic coñiguit so Espíritu Santo só'maq ỹaanema qamiri so Jesucristo. Ca' tot repaguitaque quiyim 'ue ca ỹapaxaguine' qamiri, ma' chaqaiso só'maq Espíritu só'maq ỹapaxaguinque qamiri ná'ogue nanchaqaina, qam naua lapaxaguinataxanaxaco ỹaatqajam lliquete', mese na'maachic. Ca' chaqaida 'neetari' da nachaalataxaguii na'deetau'a nqai'ñii so Cristo, ma' chaqaida dá'maq lapaxaguinataxanaxac so Espíritu.