Éxodo 4:8 - La'qaatqa ñi qota'olec Qota'olec & Qota'olec Novita Na Qomyipi

⁸ Co'na' ime, ca 'naaco' ñi qara'gaxala': —No'm quesó'maq 'auaxaic netanec se qoyiuelec qami', qam casó'maq liỹa, ca' qoyiuelec qami' ma'le.

Éxodo 4:8 Iomraidhean Croise

2 Reyes 5:7

Ca co'na' so nashi quiyi Israel retaqalec aso nelaata, ca nasectaqta'ahi saua loho queda nqui'ic. Ca 'naaco': —Ca ¿ỹimo' ná'maq ỹim qota'olec quiyim ỹaanec da nca'laxa chaqai quiyim ỹacona da chaalataxac quiyim cajo nelata ỹim na ỹale quiyim ñataren na le'ne' na loshicmaxa? ¡Ỹaatqajam 'ajñita, ca' 'yiiñii ma'le quiyim ỹahotaque ca lligo queca ño'ueenataxac quiyim yiloquin!

Job 5:18

Ma' no'm ñi'maxare ỹo'uet ca ncoñiraxa, qam nataren chaqai ỹaxajlec; chaqai no'm da lqai'laxat da rouaxanaxana, qam qai'neeta ỹa'ue da na'maxa.

Éxodo 4:28

Co'na'le, ca' so Moisés ra'qaataxanem so Aarón quená'ogue ná'maq qohinapega quiyim ỹa'xatem quiñi qara'gaxala' chaqai ná'maq chalego lecaic netanqaipi ỹo'uet da ne'laxa qailarelec quiyim ỹo'uet.

Éxodo 4:7

Co'na'le, ca ñi qota'olec liỹo' 'naapega so'maxare: —Liỹa shichiri'ñigui ana rotogui'i' na rqai'laxachi'. Ca' chaqaida 'ne'tegue so Moisés. Ca co'na' liỹa navicshiguim, ca' no'ueenta, liỹa 'nejem ná'ogue na loshicmaxa.

Éxodo 4:9

Qam no'm se qoyiuelec chaqai se qana'xaỹaxana qami' quesauajo netanqa, ca' naqachirishiguim ca huaxaỹaq caso lachiugue, ca cochirelec na 'laua. Ca cá'maq huaxaỹaq taañi quena 'laua, ca' ñigui leuoripi.

Isaías 28:10

mashic 'ec chita'gue sa'deenaq setaxaỹaxalec aca lere, se no'uene'ueque naua qara'qaatqa!”

Juan 12:37

Ca 'eno'm so Jesús 'xoic na ỹo'uet quena netanec se qaiuanapega iuanchigui nqai'ne' saua'maxare, qam qaiyiita se qoyiuelec.

Jueces 6:17

Co'na'le, ca 'naaco' so Gedeón: —Ca no'm chaqaida da re'xorenataxanaxa'e' caỹim, ca 'maxaraic quiyim vite ca itanec quiyim ỹaatqajam qami' qara'gaxala' ná'maq taqaisa'pegue' aỹim.