Éxodo 4:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca 'naaco' ñi qara'gaxala': —Ca' dajo 'neeta ma'le, qaiyi qoyiuelec quiyim nachaxana qami' najo na'gaxala', qota'olec quesó'maq 'auaxaic qataa'illipi, qota'olec queso Abraham, Isaac chaqai so Jacob.

Éxodo 4:5 Iomraidhean Croise

Génesis 12:7

Ca' quiyi, ca' ñi qara'gaxala' nachaxano' so'maxare. Ca 'naaco': Najo 'laua ná'maq saanem ma'le na qachaalaxai'pi. Co'na'le, ca' so Abram no'xonshiguim aso ncopatoxonaxalate, ca nqouagaxainot ñi qara'gaxala', ma' chaqaiyi hua'ño' co'na' qanachaxana.

Génesis 17:1

Ca co'na' so Abram ỹovite' saua noventa y nueve ñaxari, ca' ñi qara'gaxala' nachaxana so'maxare. Ca 'naaco': —Ỹim ná'maq qota'olec sqaica lqalanec; 'neeto' napio'xochi' da nachaalataxaqui' quiyim ñiiso'ot aỹim.

Génesis 18:1

Ñi qara'gaxala' lotqai nachaxana so Abraham quiyi loma' ana qo'paq leenaxat encina na'ñi so ỹale leenaxat Mamre, co'na' so Abraham nqa'xantañi quiñi lasom ñi lauo' na'daañi na' mashic 'uo' ca na'xa'a lavinñi.

Génesis 26:2

Hua'ño'yi, ca' ñi qara'gaxala' nachaxano' so'maxare. Ca 'naaco': Totaxan 'itegue da Egipto. Ñira'ño' cá'maq ỹim shicapi'ñi.

Génesis 28:13

Qai'neeta iuano' ñi qara'gaxala' nachaatetañi reloqotalec so'maxare. Ca 'naaco' quen: —Ỹim ná'maq ỹim na'gaxala', ỹim qota'olec queso qapichi' Abraham, chaqai so qataa'i' Isaac. Qami' chaqai na qachaalaxai'pi saanem ma'le najo 'laua ná'maq vi'sa'ñi.

Génesis 48:15

Ime, ca' ỹaanec da no'uen la'qaatec queso José, 'naaco': Ñí'maq qota'olec ñí'maq huelec so ỹapi' Abraham chaqai so ita'a Isaac, ñí'maq qota'olec ñí'maq quepaqataxanteguelec aỹim shi'gue na' ñaq ñi'xaỹañi,

Génesis 48:3

Ca 'naaco' queso José: —Ñi qota'olec ñí'maq sqaica lqalanec nachaxana ỹim na'le quiyi na'a' Luz huaugui yi 'laua Canaán. Ca' nañaañim da no'uen la'qaatec.

1 Reyes 18:36

Ca co'na' ỹovita ca laloqo' quiyim qoỹaano aca nachitaxanataxanqate, ca' so qota'a letaxaỹaxaqui, leenaxat Elías, nqo'neuo. Ca' ỹaatqajam netenegue da la'qaatec, 'naaco': —¡Qami' ỹa'gaxala', qami' qota'olec queso qareta'a Abraham, Isaac chaqai so Israel: nachaxañi' nagui quiyim qami' qota'olec queso qareta'a Israel, chaqai quiyim yilachi', vichiguiño' so'uet dá'ogue dajo ma' qami' ná'maq yilachi'!

Éxodo 19:9

Ca' ñi qara'gaxala' 'naaco' queso Moisés: —Ỹim ñachaxan ma'le quiyim seloqota'guit aqami', seuetaugui so lapo naueguelec, qaiyi ỹauanchigui na qomyipi quiyim setaqata'pegue' qami', ca' qaiyi se neme quiyim huejlec qami'. Ca' so Moisés lotqai liỹa ỹa'xato' dá'maq 'naac so qomyipi quiñi qara'gaxala'.

Éxodo 3:15

Ñi qota'olec 'naac qai'neeta queso Moisés: —Qai'neeta 'ñiraco' ma'le quiyi Israel llaalqaipi: Ñi qara'gaxala' qota'olec queso 'auaxaic qareta'allipi Abraham, Isaac chaqai so Jacob nachaxana aỹim, ca 'naapiguiỹa': 'Eda da ỹeenaxat, dajo ỹeenaxat qaica ca lqodoc.

Éxodo 3:16

Mo'e', lapooñirata' yi qo'xoiquipi quiyi Israel llaalqaipi. Ca 'ñirapega: Ñi qara'gaxala' qota'olec quesó'maq 'auaxaic qareta'allipi, ñi qota'olec queso Abraham, Isaac chaqai so Jacob, nachaxana ỹim na'le. Ca 'naapiguiỹa' quiyim na'xaỹaxanalo qamiri chaqai iuana dá'maq nqa'viiguii quena Egipto laseripi.

Éxodo 3:4

Ca co'na' ñi qara'gaxala' qota'olec idaana'guit so Moisés quiyim nqo'neuo, ỹahotaque ỹa'ajanta, ca' ñi qara'gaxala' roỹaxan 'maqatougui aso qo'paqo'lli', 'naaco': —¡Moisés! ¡Moisés! Ca' so Moisés 'naaco': —Aỹim.

Éxodo 3:6

Ca lotqai liỹo' 'naac: —Chaqaỹim ná'maq ỹim qota'olec quesó'maq 'auaxaic qata'i'llipi. Aỹim qota'olec quesaua qapirilli' Abraham, Isaac chaqai so Jacob. Ca' so Moisés ỹapoquio' na lashic, ma' no'cho' quiyim ra'ỹo'ot ñi qota'olec.

Éxodo 4:1

—Caalata'm sqai huelec aỹim ma'le chaqai se na'xaỹaxañiua' —'naaco' so Moisés—. Ta'ta'a quiyim 'naac ma'le caỹim: Peeta'a se nachaxana qami' ñi qara'gaxala'.

Éxodo 4:31

Co'na'le, ca' na qomyipi ỹaatqajam huejlec. Chaqai co'na' ỹa'den quiyim ñi qara'gaxala' na'xaỹaxana so'maxare chaqai quiyim iuana da le'xoric so'maxare, ca ỹa'chi'iñi naua le'cootal, ca' nqouagaxainot ñi qota'olec.

Éxodo 4:4

Qam ñi qara'gaxala' 'naaco' queso'maxare: —Coñita na lqai'it yi'maxare. Ca co'na' so Moisés ỹacona na lqai'it, ca' so nanaic pilchigui nashilete.

Jeremías 31:3

ca na' ñaq qoỹoqo'ta, ca ñachaxana. Ca' se'xoren, qam qaica lqodoc da i'xorenataxanaxa; vichiguiño' ñaqai queeta da iqouagaxa.

Juan 11:15

Qam ỹim ỹaatqajam 'ue da ña'aachic, ma' sqa seuete'eyi, ma' quedajo, ca' paguec la'maxa caqamiri, qaiyi viilec. Qam qolaqpegue', sa'ajnaxanaxa.

Juan 11:42

Ỹim sa'deenta quiyim se ỹauanapega quiyim se na'xaỹaxañita quet aỹim. Qam ỹim shinac dajo, ma' sahotaque ca la'maxa na qomyipi hueete'ena, qaiyi na'maxare huelec quiyim aỹim relaachiqui'.

Juan 20:27

Ime, ca 'naaco' queso Tomás: —Shichiro quenajo ana rpalaaqachi'i', chaqai 'ajñi' ana ñapoquena. Quitot ana napoquena'e', ca' shichiro quena ỹahi. Totqai qollictaxañite', ta'ta'a quiyim virelec.

Juan 20:31

Qam nauajo qohichiñi, ma' qaỹahotaque quiyim qamiri viilec so Jesús quiyim chaqaiso só'maq nashi nca'laxaqui, llaalec ñi qota'a, chaqai qaiyi 'ue ca rca'laxahi quiyim viilec so'maxare.

Juan 5:36

Qam caỹim 'ue dá'maq paguec i'taxajñi quedá'maq 'naac so Juan. Ma' quena' 'ue yí'maq so'uet, qam chaqainaua nauá'maq ỹamaxailgoto ñí'maq ita'a quiyim so'ueete'. Ca' chaqainaua nauá'maq re'xoi' nqai'ne' quiyim llic chaqaiñi ñí'maq ita'a yila'.

Hechos 7:2

Ca so'maxare 'naaco': —Ỹaqaỹarolqa chaqai qamiri ita'alolqa, ñaq na'xaỹaxañiua'. Ñí'maq chalego lecaic qota'olec coqomi' na' nachaxana so 'auaxaic qareta'a Abraham co'na' neeta'ñi yi 'laua Mesopotamia, co'na' saqa' lachi, quepegue' yi 'laua Harán.

Hebreos 11:16

Qam so'maxare ñaq ipaquetaque cá'maq ỹaatqajam lo'yaxanec lalamaxaret 'laua, cá'maq na'a' hueeta'gue da piguim. Vichiguiño' ñi qota'a se nayiloxonlec quiyim qaỹamata'gue qota'olec quesaua'maxare, ma' ñi'maxare shi'gue ỹaqatqajantari' ca na'a' lodegaxat ỹauaaque la'a' so'maxare.