Éxodo 4:31 - La'qaatqa ñi qota'olec Qota'olec & Qota'olec Novita Na Qomyipi

³¹ Co'na'le, ca' na qomyipi ỹaatqajam huejlec. Chaqai co'na' ỹa'den quiyim ñi qara'gaxala' na'xaỹaxana so'maxare chaqai quiyim iuana da le'xoric so'maxare, ca ỹa'chi'iñi naua le'cootal, ca' nqouagaxainot ñi qota'olec.

Éxodo 4:31 Iomraidhean Croise

Génesis 17:3

Ca' so Abram ni'iiñi, ỹoviraqta'guit na latap na 'laua co'na' ñaq retaqatac ñi qota'olec, 'naaco':

Génesis 24:26

Ca' so nelaatec ỹa'chi'iñi naua le'cootal, ca nqouagaxainot ñi qara'gaxala'.

Génesis 29:32

Ca' aso Lea 'man, ca 'ue so llaalec só'maq ỹanegue leenaxat Rubén, loqo'm 'anta ỹaalec, ma' 'naaco': —Ñi qara'gaxala' iuana da ỹachicoxo, ca vichiguiño' nagui nqo'chiiua' ñi ỹoua ma'le.

Génesis 50:24

Ca 'uo' so na'xa'a, ca so José 'naaco' queso lqaỹaripi: —Tot qaỹaloq yileu. Qam ñi qota'olec rotauañii ma'le, naqata'alo qamiri ma'le quenajo 'laua, ca i'xate' qamiri ma'le quiyi 'laua ỹachaxan na'le, ỹahotaque ỹaanema saua qarapiri Abraham, Isaac chaqai so qareta'a Jacob.

Nehemías 8:6

Ca' so Esdras imaqachin ñi qara'gaxala', ñí'maq qota'olec qaican qalanac. Ca sá'ogue so qomyipi nanojshiguim na lqai'laxat, ca 'naac: Ajá'a, chaqaida 'neeta. Ime, ca' ỹa'chi'iñi naua le'cootal, ỹoviraqta'guit na latap na 'laua. Ca' imaqachin ñi qara'gaxala'.

Job 1:20

Ca' so Job mashic paguec da nqui'ic, ca ne'laxashiguim, ca nasectaqta'ahi saua loho, ca ỹoselaxajlec na lqahic, ca ỹa'chi'iñi naua le'cootal, ca nqouagaxainot ñi qara'gaxala'.

Éxodo 12:27

ca qamiri 'ñiỹaco' ma'le: “Ñijo isecỹac na' qaỹalauat, ca' qaỹa'ic, taỹaugui quiyim qaimaqachin ñi qara'gaxala'. Ma' ñi'maxare nalauajñi na'le na llaalqaipi na Egipto laseripi, ca ỹa'iitalgoto naua la'aate' na Israel llaalqaipi neeta'ñi yi Egipto. Ca' ca'laxatec na qochaalqaipi.” Ca' na Israel llaalqaipi ỹa'chi'iñi naua le'cootal, ca' nqouagaxainot ñi qara'gaxala'.

Éxodo 14:31

Ca' so Israel llaalqaipi na' iuanchigui da chalego lecaic lquesaxanaxa ñi qara'gaxala' quedá'maq 'ne'tegue queso Egipto laseripi. Ca' só'maq Israel llaalqaipi ỹa'dooto naua le'cootal ñi qara'gaxala'. Ca' queco'na'le, ca' ỹaatqajam qoyiuejlec ñi qara'gaxala' chaqai so lelaatec Moisés.

Éxodo 19:8

Co'na'le, ca' sá'ogue so Israel llaalqaipi 'naaco': —Cá'ogue cá'maq 'naac ñi qara'gaxala', ca so'ueetaq. Ca' so Moisés ỹodou'a ñi qara'gaxala' dá'maq 'naaco' so qomyipi.

Éxodo 19:9

Ca' ñi qara'gaxala' 'naaco' queso Moisés: —Ỹim ñachaxan ma'le quiyim seloqota'guit aqami', seuetaugui so lapo naueguelec, qaiyi ỹauanchigui na qomyipi quiyim setaqata'pegue' qami', ca' qaiyi se neme quiyim huejlec qami'. Ca' so Moisés lotqai liỹa ỹa'xato' dá'maq 'naac so qomyipi quiñi qara'gaxala'.

Éxodo 2:25

Ca' ñi qota'olec iuana, ca' retan dá'maq 'neetari' so llaalqaipi so Israel.

Éxodo 3:16

Mo'e', lapooñirata' yi qo'xoiquipi quiyi Israel llaalqaipi. Ca 'ñirapega: Ñi qara'gaxala' qota'olec quesó'maq 'auaxaic qareta'allipi, ñi qota'olec queso Abraham, Isaac chaqai so Jacob, nachaxana ỹim na'le. Ca 'naapiguiỹa' quiyim na'xaỹaxanalo qamiri chaqai iuana dá'maq nqa'viiguii quena Egipto laseripi.

Éxodo 3:7

Qam ñi qara'gaxala' queetalco' dá'maq ỹa'xatetac, 'naaco': —Ỹim ỹaatqajam seuanchigui da le'xoric yi ỹalamaxareteripi neeta'ñi yi Egipto. Sa'qaatapega quiyim se nqo'ta dá'maq qohinta'gue quená'maq neloxoỹaq quena no'ueenataxanaq, chaqai sa'deenta dá'maq le'xoric.

Éxodo 4:5

Ca 'naaco' ñi qara'gaxala': —Ca' dajo 'neeta ma'le, qaiyi qoyiuelec quiyim nachaxana qami' najo na'gaxala', qota'olec quesó'maq 'auaxaic qataa'illipi, qota'olec queso Abraham, Isaac chaqai so Jacob.

Lucas 1:68

Ỹaatqajam qaỹo'uen ma'le ñi qara'gaxala' ñí'maq lashiilec na Israel laseripi, ma' ñi'maxare novitalo qomi' quiyim qarca'laxatec, ma' mashic qomi' lalamqateripi.

Lucas 8:13

Ca' só'maq nanecse tajlec yi 'laua 'xoic na lalegue' qa', ca 'nejem ca qom quiyim na'xaỹaxantapega da na'qaatec, ca' 'ue da netoonaxac. Qam sqai 'chi'iñi caua lpa'yii da na'qaatec. Cocho'qui' huelec, qam quena' ỹovita ca ne'guenaxac, ca rashiiuec.

Rut 1:6

Ca 'uo' so na'xa'a na' ñaqai neesa'ñi yi Moab, ca' aso Noemí 'qaateguelec quiyim ñi qara'gaxala' 'uo' da le'xorenataxanaxa quesó'maq lalamaxareteripi, ca' qaica nqai'en so nqopaaxa.