Éxodo 4:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ 'Xachite' ma'le anajo nashilete, ma' chaqana aná'maq 'ueenataxañita ma'le quiyim 'viichi' cá'maq ỹo'uet ca ne'laxa. (4.18-26 Ñi qota'olec 'au na'maxate'e' so Moisés, ca pil nqai'en queda Egipto.)

Éxodo 4:17 Iomraidhean Croise

2 Reyes 4:29

Ca co'na'le, ca' so Eliseo 'naaco' queso Giezi: —Na'maxachiriñi, coñichiguit ana ỹashilete, ca' 'itegue da'maxare. Ca no'm 'ue ca nachiñira'guit, totaxan quiñi'o'. Chaqai no'm 'ue ca riquiñi', totaxan saachichiguito'. Ime, ca' ana ỹashilete lli'relec na lashic ca noctoqui'.

Éxodo 14:16

Ca' chaxañirishiguim ana rashillichi'i', nalojlec nqai'ñi' da rqai'laxachi' ana huaaxai. Ca' shicchigui nqai'ñi' na huaxaỹaq cana huaaxai, qaiyi na Israel llaalqaipi pacta, 'ec rashivichigui.

Éxodo 17:9

Co'na'le, ca' so Moisés 'naaco' queso Josué: —Vite nca'a'ira'alo ỹale', ca' quiichiguit ma'le, ca nalauachire'e' na Amalec llaalqaipi. Ca' ỹim seuetalec ma'le ada qa' ladocai, llo'qoota'a ma'le aca qo'paq lashilete ñi qota'olec.

Éxodo 4:2

—¿Negue' ná'maq lo'qo'isa'a? —'naaco' ñi qara'gaxala'. Ca so Moisés 'naaco': —Ỹashilete.

Números 20:8

—Coñita aca rashillichi'i', ca' notauañise'e' ma'le ñi rqaỹa'e' Aarón, ca' lapooñiỹata' ma'le na qomyipi. Ime, ca' iuanchigui nqai'ñi' ná'ogue na qomyipi, ca chaqai 'ñirapega ada qa' quiyim ỹa'ue ca huaxaỹaq. Ca ma'le, ca' huañita quiyim ada qa' chicqochigui ma'le ca huaxaỹaq, qaiyi ne'et na qomyipi chaqai na laloipi.

1 Corintios 1:27

Qaidaata quiyim ñi qota'olec nca'au'a ná'maq qohinac qaica ca ỹa'den, ma' ỹahotaque ỹayilqochit na 'deenaxanqachaqaiquipi. Chaqai nca'au'a na qohinac qaica ca lquesaxanaxa, ma' ỹahotaque nayiloxoñigui lauel nqai'en na quesaxanaxaiquipi.