Éxodo 4:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Taqaira'pegue' ma'le ñi'maxare, 'xachitem dá'ogue dá'maq shim 'xachi' ma'le. Ca' ỹim seuetañiguilo qamiri ma' taxahi, chaqai sapaxaguiñiigue cá'maq 'neeta cá'maq 'viichii.

Éxodo 4:15 Iomraidhean Croise

Salmos 51:15

Qami' ỹa'gaxala' ñaqai huachigui nqai'ñi' na ỹap, qaiyi so'ueenaxan, semaqachiñi'sac.

Éxodo 3:12

Ca ñi qota'olec 'naaco' queso'maxare: —Ñauequeta'pegue' qami' ma'le. Ca' dajo dá'maq retanqui' quiyim chaqaỹim selachi': Ma' naqachira'a quiyi Egipto yi ỹalamaxareteripi, ca qamiá'ogue nqouagaxaiñiỹot aỹim ma'le canajo qa' ladocai.

Éxodo 4:12

Ca' vichiguiño' nagui qui', ca' qami' iỹaatac ma'le. Ca ma' taxahi', ca sapaxaguiñitegue cá'maq 'ñirac.

Éxodo 4:28

Co'na'le, ca' so Moisés ra'qaataxanem so Aarón quená'ogue ná'maq qohinapega quiyim ỹa'xatem quiñi qara'gaxala' chaqai ná'maq chalego lecaic netanqaipi ỹo'uet da ne'laxa qailarelec quiyim ỹo'uet.

Éxodo 4:30

Ca' so Aarón ỹa'xatemo' na'le dá'ogue dá'maq qohinapego' na'le so Moisés quiñi qara'gaxala', chaqai qai'neeta iuanchigui nqai'en so qomyipi ná'maq netanec ỹo'uet da ne'laxa qailarelec quiyim ỹo'uet quiñi qota'olec.

Jeremías 1:9

Ca' queca na'le, ca ñi qara'gaxala' ipootau'alo naua ỹapi' queda lqai'laxat, ca 'naac caỹim:

Jeremías 36:32

Co'na'le, ca' so Jeremías icona aso liỹa lere, ca' ỹaanem so Baruc só'maq leraxanqajnec, ca' ỹiriñi cá'ogue cá'maq 'naac so Jeremías, sá'ogue só'maq hueetalec aso lere só'maq copata'a na'le so nashi Joacim. Ca' so Jeremías 'xoic so liỹa ỹoqoto, 'nejem só'maq 'auaxai lere.

Números 22:38

Ca' so Balaam 'naaco' queso'maxare: —Nagui, ca' ñovita qami' ña'ajnaxañiraxaua'. Qam tot qaica ca iquesaxanaxa quiyim soiquentac ca ỹa'qaatec; ma' qaicaata cá'maq 'naac ñi qota'olec quiyim shinac, ca' chaqaica sa'xat.

Números 23:12

Ca' so Balaam 'naaco': —Shi'gue shinqac quiyim qaicaata cá'maq nañaañim ñi qara'gaxala' quiyim sa'xat, ca' qaicaata shinac.

Números 23:16

Ca' ñi qara'gaxala' lotqai nachaxana so Balaam, ca' ỹa'vii saua la'qaatqa queta'le. Chaqai qai'neeta 'naaco': —Pillita yí'maq hueeta'ñi ñi Balac, ca 'xachitem ma'le dá'maq ỹa'qaatqaipi saanem qami'.

Números 23:5

Ca' ñi qara'gaxala' ỹa'vii saua la'qaatqa so Balaam. Ime, ca 'naapego': —Mo'e', pillita yi hueeta'ñi ca Balac, ca' 'xachitem ma'le da ỹa'qaatec saanem qami'.

Mateo 28:20

Chaqai paxaguiñigue quiyim huelec ná'ogue ná'maq sapaxaguinguelo qamiri. Chaqai 'yiiñita quiyim ỹim salequetauguilo qamiri quenaua'que naua na'xata', chi ỹovireta'a ca nqodoc. Ajá'a, ca' chaqaida 'neeta dajo.

Lucas 21:15

ma' ỹim saanema ma'le qamiri caua ra'qaataxahi chaqai ca ra'deenaxanaxahi, qaiyi qaica ca ishit retaxaỹa'guita qamiri.

1 Corintios 11:23

Ma' caỹim ỹaatqajam sachigoxoto'ot so qara'gaxala' dajo napaxaguinataxanaxac saanema qamiri, quiyim chaqaica cá'maq pe co'na' qoỹaano so qara'gaxala' Jesús, ca' ỹacona so pan.

1 Corintios 15:1

Nagui qamiri ỹaqaỹa', sahotaque quiyim sqa 'laxachihe da na'qaatec chicqaugui da nca'laxa dá'maq saanema qamiri. Ma' dajo na'qaatec dá'maq coñiguit na'le, ca' ñaqaida lo'xoitañi.

Deuteronomio 18:18

Ca' ỹim so'uet ma'le ca itaxaỹaxaqui sachigoxotetougui najo qomyipi 'nejem qami'. Ca'maxare chi lauo' le'ec na'maxare. Ca ca'maxare 'naapega ma'le quedá'maq selarelec quiyim ỹa'xat, ca lotqai liỹa pilalec ỹa'xat dá'maq selarelec.

1 Samuel 16:3

Ca' ma' ime, ca' vite la'xaỹaxac ñi Isaí, qaiyi ỹalequetau'a aca rachitaxanataxanqachi'i'. Ca ma'le, ca' ỹim sa'xat cá'maq 'ñi'sa'gue cá'maq ro'ueenataxanaxaqui', ca' qami' cochirelec quiyim nashi cá'maq ỹim ñca'au'a.