Éxodo 4:13 - La'qaatqa ñi qota'olec Qota'olec & Qota'olec Novita Na Qomyipi

¹³ Qam so Moisés liỹo' 'naac: —¡Qami' ỹa'gaxala', qouaquiric vite ca ỹaxañita liỹa, ca' lachi'!

Éxodo 4:13 Iomraidhean Croise

Génesis 24:7

Ñí'maq qara'gaxala', ñí'maq qota'olec quena piguim, ñí'maq naqata'a na'le aỹim quiyi la'a' ca ita'a chaqai quiyi na'laua ca iuo' laseripi na' ỹachaxañim najo 'laua quiyim nañan quiyim la'a' nqai'en na ỹaalqaipi, ca' qai'neeta ila' ca lelaatec piguim le'ec, 'aueta nqai'en caqami', qaiyi ne'xachi' chigoxochira'quera aca loua ñi ỹaalec.

Génesis 41:35

Ca' lapoon ná'ogue na trigo quenaua lo'yaxanqa ñaxari naasaho, ca' qaỹa'ue ca lapooqo', qaiyi shichi' loqoisa'a. Ca' qaỹa'maxat, qailla'ñi na na'aateripi, qaiyi loq ma'le na qomyipi.

Génesis 48:16

ñí'maq qota'olec lelaatec piguim le'ec, ñí'maq ro'ootaxanteguelec aỹim quená'ogue na se no'uen, ñi'maxare no'ueenaxat ca llicyaxague' nauajo ñaaqolqa. Chaqai quiyim chicqochiguilo naua'maxare quiyim se qaicoua'e da ỹeenaxat chaqai da leenaxat so ỹapi' Abraham chaqai so ita'a Isaac. Chaqai quiyim 'xoic ca llaalqaipi naua'maxare quena 'laua.

1 Reyes 19:4

Ime, ca' eec queetalec yi 'laua qaica qom. Ca queeto' 'óna na'xa'a, vire'to' na' nqa'xanñi ne'tot aca qo'paqo'lli'. Ca chalego' da lishoxo quiyim ileu. Ca 'naaco': —¡Liyi dajo, qami' ỹa'gaxala'! ¡Lqodoc nqai'ñi' ana ỹaqauaxaqui, ma' sqai paguec ỹim 'maxaraic quesaua ita'al!

Éxodo 4:1

—Caalata'm sqai huelec aỹim ma'le chaqai se na'xaỹaxañiua' —'naaco' so Moisés—. Ta'ta'a quiyim 'naac ma'le caỹim: Peeta'a se nachaxana qami' ñi qara'gaxala'.

Éxodo 4:12

Ca' vichiguiño' nagui qui', ca' qami' iỹaatac ma'le. Ca ma' taxahi', ca sapaxaguiñitegue cá'maq 'ñirac.

Éxodo 4:14

Co'na'le, ca' ñi qara'gaxala' ro'ỹo' so Moisés. Ca 'naaco' queso'maxare: —Qam neeta'anyi ñi rqaỹa'e' Aarón ñí'maq llaalec so Leví. Ỹim sa'den quiyim ñi'maxare ỹa'den da letaxaỹaxac. Chaqai ñi'maxare ca'guit ma'le qami', ca' netoon ma' nauañichiguit.

Jeremías 1:6

Ca' ỹim shinac: ¡Qami' ỹa'gaxala', 'ajñi' ñaqaỹim ne'necoqui', chaqai se sa'den cá'maq itaxaỹaxac!

Jeremías 20:9

No'm shinac: “Tot sa'deenapega ñi qara'gaxala', chaqai tot sa'xat da leenaxat,” ca' naua ra'qaataxahi' quena iuel 'ec ca norec ravicqataxan queete'ueguelo naua ipi'naqa. Sahotaque se sa'xate', qam se seshit.

Jonás 1:3

Qam so Jonás se na'xaỹaxan, ta'ta'a quiyim ỹahotaque 'eetapeguem ñi qara'gaxala' qota'olec. Ca' quepegue' yi ñigaxasom leenaxat Jope. Ca' quiyi, ca' natenejlec aso qom lahi' huaxaỹaqse mashic sham taigue da na'a' lodegaxat Tarsis. Ca so'maxare ishiueten aso renotaxaqui, ca' renoto, huotaque taigue da Tarsis.

Jonás 1:6

Ca só'maq lo'o asó'maq qoyintañigui quepegue' so Jonás, ca 'naaco': —¿Negue' cá'maq 'ñi'sa'pegue qami' quenajo, qami' laxasoxoi? ¡Ne'laxachirishiguim, nqouagaxaiñitot ca qota'olec caqami'! Sha'apiguito' qare'xoren, ca' nca'laxaterec qomi'.

Mateo 13:41

Ca' najo ỹale llaalec ila' ma'le na lelaatqaipi piguim laseripi quiyim lapoon quedá'maq lo'ueenataxanaxac ná'ogue ná'maq ỹo'uet ca lasauaxaset ca liỹa, chaqai ná'maq ỹo'ueetetac na se no'uen.

Juan 6:29

Ca' so Jesús 'naaco': —Dá'maq ỹahotaque 'viichii ñi qota'olec, dá'maq quiyim viilec ná'maq nela' ñi'maxare.