Éxodo 4:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca' vichiguiño' nagui qui', ca' qami' iỹaatac ma'le. Ca ma' taxahi', ca sapaxaguiñitegue cá'maq 'ñirac.

Éxodo 4:12 Iomraidhean Croise

Salmos 32:9

Totaxan 'ñiite'm ca que'laic loqo'm ca shipgaq sqaica ca la'deenataxanaxac, chaqai qanollaañi queda lpotorishic, qaỹahota'ahi la'gaqa chaqai lapse', ma' no'me', ca se nqo'neu'a qami'.

Éxodo 3:12

Ca ñi qota'olec 'naaco' queso'maxare: —Ñauequeta'pegue' qami' ma'le. Ca' dajo dá'maq retanqui' quiyim chaqaỹim selachi': Ma' naqachira'a quiyi Egipto yi ỹalamaxareteripi, ca qamiá'ogue nqouagaxaiñiỹot aỹim ma'le canajo qa' ladocai.

Éxodo 4:13

Qam so Moisés liỹo' 'naac: —¡Qami' ỹa'gaxala', qouaquiric vite ca ỹaxañita liỹa, ca' lachi'!

Éxodo 4:15

Taqaira'pegue' ma'le ñi'maxare, 'xachitem dá'ogue dá'maq shim 'xachi' ma'le. Ca' ỹim seuetañiguilo qamiri ma' taxahi, chaqai sapaxaguiñiigue cá'maq 'neeta cá'maq 'viichii.

Éxodo 4:16

Qami' taqaira'pegue' ma'le ñi Aarón shiquiaxam ỹim setaqata'pegue'. Ca' ñi Aarón 'naapega ma'le na qomyipi cá'maq 'ñirac.

Isaías 49:2

Naua ỹa'qaatqa 'ec nqai'ne' lecat ỹaxaraic, chaqai quepaqataxanlec aỹim queda lqai'laxat, ñigui nqai'en aỹim ca 'ec novic shitaxaraic, ca' ỹa'maxat aỹim caso lovic lahi'.

Isaías 50:4

Ñi qara'gaxala' yapaxaguinegue quiyim llo'daxachigui lauel na soochaxaiquipi queda ỹa'ñaaqataxanaxac quenaua ỹa'qaatqa. Ỹo'uet quiyim ỹaatqajam ña'xaỹaxanchiguiñi quenaua'que naua nete'etari, qaiyi ỹaatqajam ña'ijne'teguelo naua la'qaatqa.

Jeremías 1:9

Ca' queca na'le, ca ñi qara'gaxala' ipootau'alo naua ỹapi' queda lqai'laxat, ca 'naac caỹim:

Marcos 13:11

Chaqai ma' qaỹauegueu'alo qamiri na nashillipi, mesqai 'xoic riỹalaxahi quecá'maq 'xachii chaqai mesqa 'yiiñitaque. Ta'ta'a quiyim 'xachii cá'maq ỹaanema qamiri ma'le ñi qota'olec quiyim 'xachii; ma' mesqai qamiri nauá'maq taxahi ma'le, ta'ta'a so Espíritu Santo só'maq retaqa ma'le.

Lucas 11:1

'Uo' so na'xa'a so Jesús 'uo' ca hueeta'ñi, nqouagaxaintac. Ca co'na' ỹomat da nqouagaxainaxac, ca 'uo' so lapaxaguinatec 'naapego': —Qarapaxaguiñi' queca shinqa'tegue ca qanqouagaxainaxac, 'nejem da 'ne'tegue so Juan co'na' ỹapaxaguin so lapaxaguinatqaipi.

Juan 14:26

Qam ca Espíritu Santo, cá'maq nelatalo qamiri ma'le ñi qota'a, quiichigui nqai'en da ỹeenaxat, qaiyi ỹotauane' chaqai ỹa'ñaxate' ma'le qamiri, ca'maxare rapaxaguiñiigue ná'ogue chaqai no'uenaxanaxane' qamiri quedá'ogue dá'maq shinac.

Efesios 6:19

Chaqai nqouagaxaiñitalec aỹim qai'neeta, qaiyi ỹa'vii caua ỹa'qaatqa ñi qota'a ma' setaqa, qaiyi ra'ñiigui na iuel quiyim sa'xat dá'maq se re'xogui quedá'maq na'qaatec chicqaugui da nca'laxa.

Deuteronomio 18:18

Ca' ỹim so'uet ma'le ca itaxaỹaxaqui sachigoxotetougui najo qomyipi 'nejem qami'. Ca'maxare chi lauo' le'ec na'maxare. Ca ca'maxare 'naapega ma'le quedá'maq selarelec quiyim ỹa'xat, ca lotqai liỹa pilalec ỹa'xat dá'maq selarelec.