Éxodo 4:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' ñi qara'gaxala' 'naaco' queso'maxare: —¿Nega'ỹo' cá'maq ỹo'ueeto' na'le na lap na qom? ¿Peeta'a sqaỹimo' ná'maq ỹo'uet quiyim 'ue ca qaicaua naua la'qaatqa, ra'ñaagui na lqahic, qai'laq, loqo'm quiyim neuanchiguiñi?

Éxodo 4:11 Iomraidhean Croise

Génesis 11:7

Ca 'maxaraic quiyim yinotaxauec, ca ỹoricchi nqaishinaxai' naua la'qaatqa, qaiyi mesqai 'xaỹata'.

Génesis 18:14

¿'Uo' ca lqalanec ñi qara'gaxala' quiyim ỹo'uet? Quena liỹa ñaaxa, ca lotqai liỹa ñovita qami', ca mashic 'ue ma'le ca llaalec añi Sara.

Salmos 146:8

ñi qara'gaxala' liỹa neuanñi nqai'en na qai'laq; ñi qara'gaxala' nanojshiguim ná'maq mashic huaañi; ñi qara'gaxala' i'xoren ca ỹale 'maxataxaraic;

Salmos 51:15

Qami' ỹa'gaxala' ñaqai huachigui nqai'ñi' na ỹap, qaiyi so'ueenaxan, semaqachiñi'sac.

Isaías 42:7

Sahotaque neuanñi nqai'ñi' na qai'laqaipi, quiyim naqachira'a na ncoñiitecseripi cañi ncoñiitaxanaxaqui qaỹapootau'a quiyi hua'ñi na napalaxa.

Isaías 6:7

Ca' ỹouoocau'a nqai'en aso poqo na ỹap, ca 'naac: 'Anta, najo poqo ỹouoocau'alo naua qadapchi'. Ca' naqata'a da se no'uen caqami', chaqai da rasauaxashichi' mashic qaỹapalaxat.

Jeremías 1:6

Ca' ỹim shinac: ¡Qami' ỹa'gaxala', 'ajñi' ñaqaỹim ne'necoqui', chaqai se sa'den cá'maq itaxaỹaxac!

Jeremías 1:9

Ca' queca na'le, ca ñi qara'gaxala' ipootau'alo naua ỹapi' queda lqai'laxat, ca 'naac caỹim:

Ezequiel 33:22

Ca' queso 'auaxaic pe na' saqa' novi' so 'eetaxaic, ca' ñi qara'gaxala' ỹashil-lec aỹim. Ca' queso nete'eta na' novi' so ỹale, ca ñi qara'gaxala' lotqai ỹa'vii ỹa'qaatqa, ca' totqai ỹim moorolec.

Amós 3:6

no'm ilamigui aca npe'te queca na'a' lodegaxat, ca' no'chata' na qom; no'm 'ue ca se no'uen taalec cajo na'a' lodegaxat, ca' chaqaiñi ñi qara'gaxala' taalec nqai'en.

Mateo 11:5

'Qaataxañim dá'maq 'neeta quiyim na qai'laripi neuanñi, chaqai na se ra'ñiiguelo naua lichil qaua, na rishiita na loshicmaxa imeuec quena ralolaxa, na ra'ñiỹagui na lqahic 'qaa, chaqai ná'maq mashic ileu liỹa nca'leuec nqohin, chaqai na 'xoraiquipi qaỹa'xatem da na'qaatec chicqaugui da nca'laxa.

Lucas 1:20

Qalaxam qami' sqai vi'relec dá'maq shinac, ca' nagui sqaicaua ma'le caua ra'qaataxahi'. Se ishit taxahi', toco' ma' ne'qaañi ca qachaalqui'. Ca da'maxare ipaquichigui ma'le ma' ỹovita ca laloqo'.

Lucas 1:64

Ca' quiyi so Zacarías lotqai liỹa 'vii naua la'qaatqa, ca ỹo'ueentac ñi qota'a.

Juan 10:21

Qam 'uo' quen na liỹa 'naac: —Qaica ca qom quiyim neetagui ca chicqo'ot so na'ỹaapec 'nejem dajo da ỹa'xat. Ca ¿peeta'a ca chicqo'ot so na'ỹaapec ishito' quiyim nauanñi nqai'en ca qai'laq?