Éxodo 4:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Qam so Moisés 'naaco' quiñi qara'gaxala': —Qam naua ỹa'qaatqa se ỹa'machiñi, ma' na'perapeguec. Qam dajo sqai naquita quiyim taxaisa'pegue' najo relaachiqui'. Qam shi'gue quesom. Ma' quena' sham setaqa, ca' sqalanac dá'maq shim sa'xat.

Éxodo 4:10 Iomraidhean Croise

Éxodo 3:11

Ca' so Moisés 'naaco' na'le quiñi qota'olec: —¿Negue' queto' aỹim quiyim shicpegue' ca Faraón, ca ñaqata'a quiyi Egipto yi Israel llaalqaipi?

Éxodo 4:1

—Caalata'm sqai huelec aỹim ma'le chaqai se na'xaỹaxañiua' —'naaco' so Moisés—. Ta'ta'a quiyim 'naac ma'le caỹim: Peeta'a se nachaxana qami' ñi qara'gaxala'.

Jeremías 1:6

Ca' ỹim shinac: ¡Qami' ỹa'gaxala', 'ajñi' ñaqaỹim ne'necoqui', chaqai se sa'den cá'maq itaxaỹaxac!

Miqueas 6:4

Ỹim ñaqata'a na'le qami' quiyi Egipto, ñaqata'a na'le qami' quiyim qami' na'ac, ỹim sela' na'le so Moisés, Aarón chaqai aso María, sahotaque quiyim ra'gaxalachiri.

Hechos 7:22

Ca' quedajo so Moisés ỹaatqajam qaỹapaxaguinegue dá'ogue da na'deenaxanaxa quiyi Egipto, chaqai qai'neeta quesaxanaxaic quena' 'ue ỹa'xat chaqai quena' 'ue da ỹo'uet.

2 Corintios 10:10

Ma' qohinaco' quen quiyim naua ỹerecse ilaata se nesatete' chaqai 'xoic da lquesaxanqa', qam quiyim aỹim salequetauo, ca se squesaxan chaqai da itaxaỹaxac sqaica nqo'ta.

2 Corintios 11:6

'Eno'm quedá'maq itaxaỹaxac sqailligueme' yalogoñi, qam mesqai quedá'maq ỹa'deenataxanaxac. Ca' dajo ỹaatqajam sichoxotqa'tema qamiri quená'ogue ná'maq so'ueetaq.