Éxodo 34:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca co'na' que'tot so Moisés, ca 'uo' da 'naac, qam netenegue da la'qaatec: —¡Na na'gaxala'! ¡Na na'gaxala'! ¡Na'maxare qota'olec sotaxaraic chaqai 'xorenataxanaxaic, hualaxauaic, chaqai ỹaatqajam chalego lecaic da lqouagaxa quena qomyipi, chaqai ipacqajanchiguilo naua la'qaatqa quena' 'ue da 'naac! (34.7-27 Ñi qota'olec liỹa nadalaxashiguim da na'maqataxac)

Éxodo 34:6 Iomraidhean Croise

Génesis 24:27

'Naaco' so'maxare: —¡Ỹaatqajam qaimaqachin ma'le ñi qara'gaxala', ñí'maq qota'olec quiñi ña'co' Abraham! Ma' se napacalec ca la'qaatec chaqai ỹaatqajam lqouagaxat ñi ña'co'. Ca yachaxanchi'nquio' na nayic natenta'a na la'a' na lauo' laseripi ñi ña'co'.

1 Reyes 19:11

Ca' ñi qara'gaxala' 'naaco' queso'maxare: —Nenoxoñirec, ca nachaachiriñi, ca seloxoiqa'ajta' canajo qa'. Ca co'na'le, ca' ñi qara'gaxala' quelec yi'maxare, ca 'uo' so nonot lodegaxat ỹaatqajam quesaxan, ca nconaxaterec naua lahil aso qa' ladocai chaqai ná'maq qa' ropoqogui nqai'en, qam ñi qara'gaxala' sqai hueetagui so nonot. Ca co'na' ime'uegue so nonot, ca lotqai i'loxol na 'laua, qam ñi qara'gaxala' sqai hueetaugui so le'loxolaxa na 'laua.

1 Reyes 8:30

Na'xaỹaxañita da ỹashiilaxanaxac chaqai ná'maq ralamaxarichi' llaalqaipi so Israel quena' ñqouagaxainaq quenajo. Ca 'qa'ita quena piguim ná'maq ñi'sa'ñi, ca' sqo quirapeguema qomi' quenajo. (8.31-51 Da nqouagaxainaxac so Salomón.)

Salmos 146:6

Ñi'maxare ỹo'uet na piguim, 'laua, chaqai ana huaaxai, chaqai ná'ogue ná'maq hueetaugui na'maxare. Chaqai chaqaidaata 'neetari' da la'qaatec, se ỹadalaxat.

Salmos 31:19

¡Chalego lecaic da rqouagaxa'e' quená'maq imaqachin qami'! 'Maxachisac da'maxare, 'ec nqai'ñi' ca nouenec 'xoic loyac, chaqai iuanchigui nqai'ñi' na qomyipi, ma' huagaxachirec quená'maq pi'ỹa'a qami'.

Salmos 91:4

ma' quepaqataxanlec qami' quenaua laua', ca quiyim vi'so'oto, ca' qaica ca rovichiraque. Ca ma' ipaquichiguilo naua la'qaatqa, naua'maxare 'ec aca nquepaqataxanqate caqami'.

Éxodo 20:5

Ca' se ni'iiñi quiyim 'yiỹoto naua re'cootallii na'maxare, chaqai sqai maqachiñii. Ma' ỹim ná'maq ỹim ra'gaxalari qota'olec, ma' ỹim qota'olec sqaican sa'maxaren. Ca' ỹim sa'ue ca nouaxanaxaset cá'maq se no'uen queca neta'a quiyim se nqo'chiiua', chaqai ca llaalqaipi, chaqai ca lauaripi, chaqai ca llaalqaipi ca lauaripi.

Éxodo 22:27

ma' cajo looỹac qaicaata lquepaqataxanaxat quena no'oomaxa. No'me', ca ¿negue' quet cá'maq napo'ña'? Ma' no'm yashiila quiyim sotauan, ca' sotauan, ma' ỹim qouagaxanqachaqaic. (22.28-31 Da naqataxac quecá'maq qohinta'gue quiyim qanqouagaxainot ñi qota'olec.)

Éxodo 33:19

Qam ñi qara'gaxala' 'naaco': —Ca' ỹim quejlec qami' nqaishin ná'ogue na iqouagaxa, chaqai 'qa'ita ma'le da ỹeenaxat. Ca' ỹim se'xoreno' cá'maq se'xoren, chaqai yqouagueco' cá'maq yqouaguegue.

Isaías 65:16

Ñi qara'gaxala' qota'olec 'naac: Canchaqaica 'ue ca rashiilaxanaque quiyim qano'ueenaxat ca llicyaxac quenajo 'laua, ca' yashiila, ỹim qamaxaraic qota'olec; chaqai canchaqaica quenajo 'laua ỹaanec ca la'qaatec quiyim nallitalta', ca ỹaañiỹot ca la'qaatec, ỹim qamaxaraic qota'olec. Sauá'maq 'auaxaiqa ne'xoyaxaco mashic qaicoua'ahi, ma' pale', tot seuanalo.

Joel 2:13

¡Pilliu'a qamiri ñi qara'gaxala', ñí'maq qota'olec caqamiri, ỹaatqajam 'chiichiguiñi nqai'ñii ca netacochaxahi cañi re'taxanatahi, qam se nasectaxachiỹa'ahi naua qatoohi! Ma' ñi qara'gaxala' sotaxaraic da lo'ueenataxanaxac chaqai qouagaxanqachaqaic, hualaxauaic chaqai imaañi da le'xorenataxanaxa, 'eco' se nqo'ta quiyim 'ue ca ỹa'ue ca nouaxanaxaset.

Jonás 4:2

Co'na'le, ca' nqouagaxainot ñi'maxare, 'naaco': —Ñaqa 'ajñi', qami' ỹa'gaxala', chaqaida dajo dá'maq shinac quen quiyim 'neeta ma'le na' ñaqai senta'gue da ỹa'a'. Vichiguiño' chaqa'ma' sham seet, saigue da Tarsis, ma' ỹim sa'den quiyim qami' 'xorenataxanaxai chaqai 'ñaaxaic qavilli'. Ca' 'xachi' da rouaxanaxanaxaqui', qam lotqai netogochi', ma' paguelec da re'xorenataxanaxa'e'.

Juan 1:17

Na nelaataxanaxaquipi na' qoỹaanec chicqochigui nqohin so Moisés, qam da nqo'iichi chaqai da lliqueta chicqochirigui so Jesucristo.

Romanos 2:4

Ca ¿peeta'a liỹoqoira'piguit da sqaica lqodoc lqouagaxa chaqai da leualaxavic ñi qota'a, qam se retañi' quiyim chaqaida dajo nqouagaxa ỹahotaque quiyim netogochigui na qavilli'?

Santiago 5:11

Ma' qomi' sa'deenqata quiyim ỹaatqajam chalego la'maxa queca qom, ma' ca'laxatauec ca ne'guenaxac. Qamiri mashic 'xahitapega da 'neeto' da leualaxavic so Job, chaqai mashic 'yiiñii dá'maq 'ne'teco' ñi qara'gaxala' queso'maxare co'na' ca'laxatauec da ne'guenaxac, ma' ñi'maxare ỹaatqajam huagaxaraic chaqai 'xorenataxanaxai.