Éxodo 34:35 - La'qaatqa ñi qota'olec Qota'olec & Qota'olec Novita Na Qomyipi

³⁵ Ca co'na' ỹa'den so Israel llaalqaipi quiyim 'ue na lauaq na lashic so Moisés, ca lotqai liỹa ỹapogui na lashic queso lapooque'. Ca' chaqaida 'neetari' nqai'en, toco' quena' ỹovita quiyim ỹovita liỹa retaxaỹa'pegue' ñi qara'gaxala'. (35.1—39.43 Co'na'le quenajo, ca' so llaalqaipi so Israel nodouo ana lachitaxanataxanqate quiyim qaỹo'uet chaqai qaỹa'ue na louenqaipi yi lanatqa' ñi qota'olec, qam na' qaỹo'uet, ỹaatqajam qaipacqajanchigui dá'maq 'naaco' na'le ñi qota'olec queso Moisés.)

Éxodo 34:35 Iomraidhean Croise

Mateo 13:43

Ca ná'maq ỹo'ueetetac dá'maq ỹahotaque ñi qota'olec, ca' 'ue ma'le na lauaq 'ec añi ra'aasa quiyim hueetaugui ma'le ca lo'ueenataxanaxac ñi leta'a. Ca' qamiri no'm 'yiiñii da na'xaỹaxanaxaguii, ca ¡'maxaraic quiyim na'xaỹaxañita!

Mateo 5:16

Ca' chaqaida 'neeta nqai'ñii da no'ueenataxaguii, ỹaatqajam ỹaviquetauguilo nqai'ñii' naua rcoỹeraxanaxaquillii, qaiyi coỹarelec na qomyipi, qaiyi na'maxare iuana ma'le dá'maq 'viichitac ỹa'maqachiguiñi, qaiyi na'maxare imaqachin ma'le ñi qota'olec ñí'maq viilec neeto'ot na piguim.

Juan 5:35

So Juan na'le 'neetari' aca ncoỹeraxanaxaqui quena' ỹaviquetaugui ca coỹeraxan, ca' qamiri netooñita'gue da lauaq, qam sqoỹoxouec da netoonaxaguii.

2 Corintios 3:13

Sqai shinqatari' so Moisés quiyim ỹahote'e so lapooque' na lashic, qaiyi so Israel llaalqaipi se iuañigui ma' nqo'neeta'ta' quiyim 'om ná'maq lauaq só'maq sqaỹaloq 'om.

Filipenses 2:15

qaiyi qaica ca 'ue ca lasauaxaset chaqai ca 'ue ca lo'maxac caqamiri. Ta'ta'a quiyim ỹaatqajam qamiri llaalqa ñi qota'a, co'teete' qamiri quiyim lliguitaugui na qomyipi hualoxonyipi chaqai nocqaiquipi. Qam naviguerec qamiri, ca' coỹarilec na'maxare, 'ñiitari' aca huaqajñi naviguec quena' napalñi,