Éxodo 34:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Ca co'na' ime, ca renotec so Moisés caso qa' ladocai leenaxat Sinaí, i'xatete' saua dos qari hueesalec da nelaataxanaxaquipi. Qam co'na' noviriñi caso qa', ca' se retan quiyim 'ue na lauaq na lashic sauaxat retaqata'pegue' ñi qara'gaxala'.

Éxodo 34:29 Iomraidhean Croise

Éxodo 16:15

Ca ma' só'maq Israel llaalqaipi se ỹa'den so'maxare. Ca co'na' iuana, ca nenatetecta', 'naaco' quen: ¿Negue' ná'maq najo? Ca' so Moisés 'naaco': —Najo ná'maq pan ỹauaaque qanoxohi ñi qara'gaxala'. (16.16-30 'Ue da naqataxac quecá'maq qohinta'gue quiyim qalapoon so maná.)

Éxodo 32:15

Ca co'na'le, ca' so Moisés rapilñi caso hueetalec quemaralec qa' ladocai, ne'xatete' saua dos qari naneretalgoto da nelaataxanaxaquipi. Saua'maxare qoỹeretalgoto naua'que naua lahil.

Éxodo 34:35

Ca co'na' ỹa'den so Israel llaalqaipi quiyim 'ue na lauaq na lashic so Moisés, ca lotqai liỹa ỹapogui na lashic queso lapooque'. Ca' chaqaida 'neetari' nqai'en, toco' quena' ỹovita quiyim ỹovita liỹa retaxaỹa'pegue' ñi qara'gaxala'. (35.1—39.43 Co'na'le quenajo, ca' so llaalqaipi so Israel nodouo ana lachitaxanataxanqate quiyim qaỹo'uet chaqai qaỹa'ue na louenqaipi yi lanatqa' ñi qota'olec, qam na' qaỹo'uet, ỹaatqajam qaipacqajanchigui dá'maq 'naaco' na'le ñi qota'olec queso Moisés.)

Mateo 17:2

Ca na' reloqosaho saua'maxare nadalaxat da no'ueenataxac. Ca' 'ec ra'aasa na lauaq na lashic, chaqai saua loho ỹaatqajam ỹalacte' 'ec na lauaq.

Marcos 14:40

Ime, ca' pil, ca lotqai liỹa iuanejlgoto laqate' saua lapaxaguinatqa, ma' naua nqote' la'qaatecta', paguec na lelaxac. Ca saua'maxare se ỹa'deene' cá'maq 'nerac.

Marcos 9:6

Ma' saua lapaxaguinatqa ỹaatqajam no'chi', ca' so Pedro se ỹa'den dá'maq ỹa'xatetac.

Lucas 2:49

Ca' so Jesús 'naaco': —¿Chi'neco' ma' michitaque aỹim? ¿Sqa 'yiiñiỹo' quiyim aỹim squelolta'pegue' na lo'ueenataxanaxaquipi ñi ita'a?

Lucas 9:29

Ca co'na' so Jesús nqouagaxaintac, ca ỹoqa'a da no'ueenataxac, na lashic chaqai saua loho ỹañigui, qashilec da lalacqa'.

Juan 5:13

Qam so ỹale se ỹa'den só'maq ỹomateco' na'le, ma' so Jesús na'laugui so 'xoic qomyipi hueeta'ñi yi'maxare.

Hechos 12:9

Ca' so Pedro coỹarejlec so nelaatec chicqashiguim, qam se ỹa'den quiyim llic loqo'm 'e' dá'maq 'neetari', 'neetapega chi leuanaxanaxac nqohin.

Hechos 23:5

Ca' so Pablo 'naaco': —Qamiri ỹaqaỹarolqa, se sa'den quiyim chaqaiño' ñi lashi na netaxaỹaxanqajanqaipi. Ma' naneresañi quiyaua la'qaatqa ñi qota'a: “Se no'uen taqaira'guit ca reloqota'a na qauochi' laseripi.”

Hechos 6:15

Ca' so nashillipi chaqai sá'ogue só'maq nqa'xantañi quiyi'maxare, co'na' ra'ỹo'ot so Esteban, ca ỹoqa'a na lashic, 'nejem na lashicyaxac na chicqashiguim qota'a lelaatec.

2 Corintios 3:13

Sqai shinqatari' so Moisés quiyim ỹahote'e so lapooque' na lashic, qaiyi so Israel llaalqaipi se iuañigui ma' nqo'neeta'ta' quiyim 'om ná'maq lauaq só'maq sqaỹaloq 'om.

Josué 2:4

Qam aso'maxare ỹoxochiñi saua ỹale'. Ca 'naaco': —'Nesa ma' 'vii saua ỹale' hueesa'ñi na ỹa'a', qam se sa'den ca chicqora'gue.

Apocalipsis 1:16

Chaqai queda loic lo'qoota'alo saua siete huaqajñi. Chaqai quena lap chicqaugui so lecat ỹaatqajam ỹaxaraic, dos llaaxa'. Chaqai na lashic 'ec añi ra'aasa quena' ỹaatqajam quesaxan da lauaq.

Apocalipsis 10:1

Ca na'le, ca' seuane'ta so liỹa nelaatec piguim le'ec ỹaatqajam quesaxanaxaic, chicqotashiguim queda piguim, hueetaugui so naueguelec, chaqai na lqahic hueetalec so qoñi'gue. Chaqai na lashic 'nejem na ra'aasa lauaq, chaqai naua lichil 'ec na norec lauaq.

Jueces 16:20

Ca ỹaualaxalec, 'naaco': —¡Sansón, ñaqai 'ajñi' na filisteoipi nacpegue' qami' quiyim nalauate'e'! Ca' nelouec so Sansón, ca 'neetapego' quiyim qohit 'neete'm saua 'auaxaqa na'xata', ma' se ỹa'den quiyim ñi qara'gaxala' shi'gue ca'e so'maxare.