Éxodo 34:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' ñi qara'gaxala' 'naaco' queso Moisés: —Chaqai 'viichi' caua dos qari, denaxachichiriguilo saua 'auaxaqa, qaiyi serelgoto quedá'maq 'au hueetalgoto saua 'auaxaqa qari, sauá'maq poxoỹaxachiriguilo na'le.

Éxodo 34:1 Iomraidhean Croise

Éxodo 24:12

Ca' ñi qara'gaxala' 'naaco' queso Moisés: —Quirishi'megue ana qa' nqo'ñirishi'ma na seueta'ñi. Ca ma'le, ca' nauaañira'piguit aỹim, ma' ỹim saañiraxaroma ma'le caua dos qari mashic seretalgoto queda ỹaqataxac chaqai da ilaataxanaxac, qaiyi paxaguiñi' na Israel llaalqaipi.

Éxodo 32:16

Qam chaqaiñi ñi qota'olec lo'ueenatqa saua qari, chaqai chaqaiñi ñi'maxare lerqa sauá'maq hueetalgoto saua'maxare.

Éxodo 32:19

Ca co'na' so Moisés paguec sqoỹoqaque nqai'en so co'matqa', ca iuane'ta so huaqui llaalec chaqai ca rasotaxaripi, ca' ỹaatqajam ro'o. Ca nenaqaiño' saua lo'qoota'alo qari, ca ropoqoguilo nqai'ne' quena lahi aso quemaralec qa' ladocai.

Éxodo 34:28

Ca' so Moisés na'anyi neeto'ot ñi qara'gaxala', ỹovirerauec nqai'ne' saua cuarenta na'xata' chaqai saua cuarenta piri, se que'e chaqai se ne'et. Ca' quiyi, ca ỹirelgoto saua qari dauá'maq na'qaatqa queda 'maqataxac loqo'm daua diez nelaataxanaxaco.

Éxodo 34:4

Ca' so Moisés ỹo'ueete' saua dos qari 'neete'm caua 'auaxahi. Ca' queso nete'e na' nete'etam, ca' iconalo saua dos qari, ca' quishi'megue aso qa' ladocai leenaxat Sinaí, ma' chaqaida dá'maq 'naac ñi qara'gaxala'.

Jeremías 36:32

Co'na'le, ca' so Jeremías icona aso liỹa lere, ca' ỹaanem so Baruc só'maq leraxanqajnec, ca' ỹiriñi cá'ogue cá'maq 'naac so Jeremías, sá'ogue só'maq hueetalec aso lere só'maq copata'a na'le so nashi Joacim. Ca' so Jeremías 'xoic so liỹa ỹoqoto, 'nejem só'maq 'auaxai lere.