Éxodo 33:22 - La'qaatqa ñi qota'olec Qota'olec & Qota'olec Novita Na Qomyipi

²² Ca ma' qami' quejlec da lquesaxanaxa da ỹauaq, ca sillaho'gue qami' ma'le ñi lauac ana qa'. Ca' sapolec qami' ma'le cana ñapoquena, toco' ma' ime ỹoxogue aỹim.

Éxodo 33:22 Iomraidhean Croise

1 Reyes 19:9

Ca co'na' ỹovita, ca taho'gue so lauac, ca hueetaho'gue 'óna pe. Qam ñi qara'gaxala' ỹovira'a so'maxare, ca 'naaco': —Elías, ¿negue' cá'maq 'ñi'sa'pegue quenajo?

Salmos 91:1

Cá'maq hueeto'ot da lquepaqataxanaxac ñí'maq qoỹoqoshi'megue chaqai qaica lqalanec qota'olec,

Salmos 91:4

ma' quepaqataxanlec qami' quenaua laua', ca quiyim vi'so'oto, ca' qaica ca rovichiraque. Ca ma' ipaquichiguilo naua la'qaatqa, naua'maxare 'ec aca nquepaqataxanqate caqami'.

Isaías 2:21

chaqai i'guenou'guelo ma'le naua lauaco na qa', chaqai quenaua laqacqate' na qa', ỹahotaque nqañoxojñi queda lichic da loviraxac ñi qara'gaxala', dá'maq lauaq quiyim nashi, ma' ñi'maxare ne'laxashiguim, ca no'xalec nqai'en na 'laua queda nqolonaxa.

Isaías 49:2

Naua ỹa'qaatqa 'ec nqai'ne' lecat ỹaxaraic, chaqai quepaqataxanlec aỹim queda lqai'laxat, ñigui nqai'en aỹim ca 'ec novic shitaxaraic, ca' ỹa'maxat aỹim caso lovic lahi'.

1 Corintios 10:4

chaqai sá'ogue ni'chigui so niquip se re'xogui. Ma' ne'teetapigui so huaxaỹaq chicqotapougui aso qa' se re'xogui queeta'pegue' so'maxare quecanchaqa taigue. Ca' sojo qa' chaqaiso so Cristo.

2 Corintios 5:19

Dá'maq qara'qaatec 'neetasa': quiyim so Cristo liỹaatac ñi qota'a na' ỹahotaque qareuaqui'chiguit ñi'maxare quená'ogue na qomyipi, qam ñi'maxare se ra'iitapigui na lasauaxaset na qomyipi. Ca' ỹamaxalgoto qomi' quiyim sichoxotqachigui da leloxoỹaxac dajo na'qaatec quiyim qareuaqui'chiguit ñi qota'a.