Éxodo 32:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca na' nete'etam queso liỹa na'xa'a, ca qaỹodouo na iseripi quiyim qaỹavigaxat, qaỹa'ue nachitaxanataxanaxat, ca qaỹopilot ñi'maxare. Ca na' ime, ca sá'ogue so qomyipi nqa'xanñi, ca' que'e chaqai ne'et. Ime, ca ne'laxashiguim, ca rishiguiỹata'. (32.7-14 Ñi qota'olec ỹahotaque nalauajñi so lalamaxareteripi, qam so Moisés nqouagaxain quiyim sqai 'ne'tegue dajo.)

Éxodo 32:6 Iomraidhean Croise

Éxodo 32:5

Ca co'na' so Aarón iuana dajo, ca' no'xonshiguim aso lcopatoxonaxalate. Ime, ca ỹaualaq, netenegue da la'qaatec, 'naaco': —¡Ma' nete'e so'ueetqo' ca qaremaqachic, ca' semaqachinaq ñi qara'gaxala'!

Amós 2:8

Na'maxare ipiguinñi na ỹoqa'a nooỹac nillicseripi, ca' nenanlec, ỹalequetau'a na nqui'ỹaxaquipi quena' qaimaqachin na nashiilec nqolaquipi; rishiuetenaxana quena lataxa ana lam lachoxonataxanqate, ca' ne'et quena lataxa quenaua lauooto' na lashiilqaipi nqolaquipi.

Amós 8:10

Na remaqachiguipi ñigui nqaishin ca ỹenaxac sauaxat na leuaxaiquipi, chaqai na ro'ueenaxanaxaguipi ñigui nqaishin ca ỹenaxac quena' 'ue yi qaishinñi; so'uet quiyim qamiri ñiiñi caua noho nachicoxoqui', chaqai selaxachilgoto naua rqahigori netanec nqai'ñii caqamiri quiyim 'xoic da nqui'ic. Ca' noỹiñii ma'le 'ec cá'maq qom na'laañi ca 'oonoqui' llaalec, ca ma' ime dajo, qam no'ueenashiguim ca 'xoic nachicoxo.

1 Corintios 10:7

Vichiguiño' qamiri se ishit denaxachii da 'ne'tegue so qomyipi, ma' 'uo' quen na nqouagaxainot na nashiilec nqolac, ma' naua naneresañi la'qaatqa ñi qota'a 'nerac: “So qomyipi nqa'xanñi. Ime, ca' ỹo'uet so lqui'ỹaxac chaqai ne'et. Ime, ca' nachajñi, ca' ỹo'uet ca lemaqachic.”

Apocalipsis 11:10

Ca ná'ogue na qomyipi quena 'laua netoonta'peguelo quiyim qaỹalauate' saua'maxare. Ỹaatqajam chalego da netoonaxac, vire'ta quiyim quiñi 'óna ỹa'ue ca lame ilata ca liỹa, ma' sauajo ỹale' ỹa'xatesac da la'qaatec ñi qota'a, ca' saua'maxare ỹaatqajam 'ue da nqui'ic nqai'ne' quena qom.