Éxodo 32:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca co'na' so Aarón iuana dajo, ca' no'xonshiguim aso lcopatoxonaxalate. Ime, ca ỹaualaq, netenegue da la'qaatec, 'naaco': —¡Ma' nete'e so'ueetqo' ca qaremaqachic, ca' semaqachinaq ñi qara'gaxala'!

Éxodo 32:5 Iomraidhean Croise

1 Reyes 21:9

Ca' da hueesalec saua lerel 'neetasa': O'viichiñi quiyim nqopaaqachit na qomyipi, ca' nqa'xanñi nqai'ñii ca Nabot, ca' chaxañiugui na qomyipi.

Éxodo 10:9

Ca' so Moisés 'naaco': —Qomi' ma' qolaq, ca' qariỹaatac na ñaaqaipioqui' chaqai na qo'xoiquipi, naua qochaalqa chaqai naua qochaale, chaqai ana qolo qagreta chaqai ana huaca, ma' coqomi' ỹaatqajam lemaqachic lodegaxat ñi qara'gaxala'.

Éxodo 12:14

Najo ná'maq na'xa'a ná'maq qamiri sqai 'laxachii. Ca quiyim ỹovire'oga, ca' 'viichii ca nemaqachic lodegaxat, maqachiñitac najo ra'gaxalari. Maqachiñitac 'ñiita'gue meca nelaataxanaxac qaica lqodoc, chicqotougui na neta'allipi, ca queetougui chi ỹovireta'oga ca ñaalqaipi.

Éxodo 17:15

Ca' so Moisés no'xonshiguim aso lcopatoxonaxalate quena lachitaxanataxanaxat, ca leenaxat nqai'en Ñi qara'gaxala' 'ec aca itana sa'auaxantauec.

Éxodo 32:4

Ca so'maxare icoñiguit. Ca icaxajta' so 'oro, ca' inaxañigui aso no'ueetaxaqui, ca' chicqochigui nqai'en so huaqui llaalec. Co'na'le, ca sá'ogue 'naaco': —¡Qamiri Israel llaalqaipi, najo ná'maq rashiilliguii ná'maq naqata'alo qamiri na'le quiyi Egipto!

Éxodo 32:6

Ca na' nete'etam queso liỹa na'xa'a, ca qaỹodouo na iseripi quiyim qaỹavigaxat, qaỹa'ue nachitaxanataxanaxat, ca qaỹopilot ñi'maxare. Ca na' ime, ca sá'ogue so qomyipi nqa'xanñi, ca' que'e chaqai ne'et. Ime, ca ne'laxashiguim, ca rishiguiỹata'. (32.7-14 Ñi qota'olec ỹahotaque nalauajñi so lalamaxareteripi, qam so Moisés nqouagaxain quiyim sqai 'ne'tegue dajo.)

1 Corintios 5:8

Vichiguiño' quiyim soqolqata'pegue' ñi qota'a, no'uen quiyim qolqata'gue da 'chichiguiñi ñicyaxac chaqai da ỹaatqajam lliqueta leloxoỹaxac da na'qaatec, dá'maq 'nejem aca naqaulata qaca aca lalequete. Se ishit quiyim qolqatalec da se ỹa'maxañi chaqai se no'uen, ma' da'maxare 'nejem aca ñauapec nalequetenaxanqate.