Éxodo 32:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca so'maxare icoñiguit. Ca icaxajta' so 'oro, ca' inaxañigui aso no'ueetaxaqui, ca' chicqochigui nqai'en so huaqui llaalec. Co'na'le, ca sá'ogue 'naaco': —¡Qamiri Israel llaalqaipi, najo ná'maq rashiilliguii ná'maq naqata'alo qamiri na'le quiyi Egipto!

Éxodo 32:4 Iomraidhean Croise

1 Reyes 12:28

Ca co'na' ime quiyim renataxantac so'maxare, ca' so nashi relaataxanlgoto quiyim qaỹo'ueete' saua dos huaqui llaalqa ỹachigoxotaugui na 'oro. Ca co'na' ime, ca 'naaco' queso qomyipi: —Qamiri llaalqaipi so Israel mashic shi'gom quiyim pillita'gue da Jerusalén. Ca' nauajo nauá'maq rashiilaxahi nauá'maq naqata'alo qamiri na'le quiyi Egipto.

1 Reyes 12:32

Chaqai qai'neeta ỹa'ue so laloqojnec quiyim ỹo'uet so lemaqachic, ca' viichigui nqai'en so na'xa'a quince quena' ime'ueque saua siete shiriguiri queso ñaaxa. Ca' so nemaqachic qaỹo'ueeto' quen quiyi Judá. Ca chaqaiso so'maxare ỹavigaxat so lachitaxanataxanaxat huaalec aso ncopatoxonaxalate. Ca na' ỹo'uet dajo hua'ñi nqai'en yi Betel quiyim ỹaanot so lachitaxanataxanaxat só'maq huaqui llaalec chi lo'ueenatec. Ca' na netaxaỹaxanqajanqaipi idaanlec nqai'en da nemaqajnataxanaxac quiyim qanqouagaxainot na nqolaquipi no'xonshiguim.

Éxodo 20:2

—Ỹim ná'maq ỹim ra'gaxalari qota'olec naqaterec qamiri na'le quiyi Egipto na' qamiri na'aqa.

Éxodo 20:4

Totaxan 'viichiỹo' ca rashiilliguii re'oq chaqai vire'ta ca radenqachigui quena hueeto'ot na piguim, chaqai vire'ta quená'maq hueetalec na 'laua, chaqai vire'ta quená'maq 'ue hueetañigui ana huaaxai pa'aatañi quena 'laua.

Éxodo 32:1

Ca' so Israel llaalqaipi co'na' retan quiyim qaua' rapilñi so Moisés caso hueetalec qa' ladocai, ca lapoỹo'ot so Aarón, ca 'naaco': —'Viichi' ca qarashiilec, ca' chaqaica cá'maq qolaxalec ma'le. Ma' qomi' se sa'deenaq cá'maq 'neeto' ca Moisés cá'maq naqata'alo qomi' quiyi Egipto.

Éxodo 32:24

Ca' ỹim shinac na'le: Quecá'maq 'ue ca hueeto'ot 'oro, ca' ỹoỹootec. Ca na'maxare nañan ca 'oro, ca' ỹim senaxañigui ca norec, ¡ca chicqochigui na'le ñi huaqui llaalec!

Éxodo 32:3

Ca sá'ogue naqat ana lishite 'oro, ca' qaỹodou'a so Aarón.

Éxodo 32:35

Ca' ñi qara'gaxala' ỹa'ue so nelata ne'ne' so qomyipi sauaxat nqouagaxainot só'maq huaqui llaalec só'maq lo'ueenatec so Aarón.

Éxodo 32:5

Ca co'na' so Aarón iuana dajo, ca' no'xonshiguim aso lcopatoxonaxalate. Ime, ca ỹaualaq, netenegue da la'qaatec, 'naaco': —¡Ma' nete'e so'ueetqo' ca qaremaqachic, ca' semaqachinaq ñi qara'gaxala'!

Hechos 17:29

Vichiguiño' nagui, ma' qomi' llaalqaipi ñi qota'olec sqai hueetapigui qouel quiyim ñi'maxare shinqatapega quiyim 'nejem ca nashiilec nqolac oro, loqo'm ca plata, loqo'm ca qa', chi lo'ueenatec ca qom quecá'maq chi la'deenataxanaxac.

Hechos 7:41

Ca' so qomyipi ỹo'ueeto' so huaqui llaalec, ỹahotaque la'gaxala'. Ca co'na' ime, ca ralauataxanlec quená'maq chi laloipi, ỹa'ue lachitaxanataxanaxat quiyim ỹaanot so ladenqatec. Ca netoonta'pegue só'maq chi lo'ueenatec.

1 Corintios 10:7

Vichiguiño' qamiri se ishit denaxachii da 'ne'tegue so qomyipi, ma' 'uo' quen na nqouagaxainot na nashiilec nqolac, ma' naua naneresañi la'qaatqa ñi qota'a 'nerac: “So qomyipi nqa'xanñi. Ime, ca' ỹo'uet so lqui'ỹaxac chaqai ne'et. Ime, ca' nachajñi, ca' ỹo'uet ca lemaqachic.”