Éxodo 32:35 - La'qaatqa ñi qota'olec Qota'olec & Qota'olec Novita Na Qomyipi

³⁵ Ca' ñi qara'gaxala' ỹa'ue so nelata ne'ne' so qomyipi sauaxat nqouagaxainot só'maq huaqui llaalec só'maq lo'ueenatec so Aarón.

Éxodo 32:35 Iomraidhean Croise

Génesis 12:17

Qam so Faraón sougui aso Sarai, ca' ñi qara'gaxala' ỹo'uet so nouaxanaxaset so'maxare chaqai so llaalqaipi, qaỹodota'a so napijna' lodegaxat.

Éxodo 32:24

Ca' ỹim shinac na'le: Quecá'maq 'ue ca hueeto'ot 'oro, ca' ỹoỹootec. Ca na'maxare nañan ca 'oro, ca' ỹim senaxañigui ca norec, ¡ca chicqochigui na'le ñi huaqui llaalec!

Éxodo 32:25

Ca co'na' so Moisés iuana so qomyipi quiyim qaica ca nollaañi, chaqai 'ue da lichic quiyim chi ne'naxat quena npa'guenaxauaripi, ma' so Aarón tot ishit quepaxat.

Éxodo 32:28

Ca so Leví llaalqaipi ipaquichigui nqai'en da 'naac so Moisés. Ca quesojo na'xa'a tres mil so ỹalliripi ileu.

Éxodo 32:4

Ca so'maxare icoñiguit. Ca icaxajta' so 'oro, ca' inaxañigui aso no'ueetaxaqui, ca' chicqochigui nqai'en so huaqui llaalec. Co'na'le, ca sá'ogue 'naaco': —¡Qamiri Israel llaalqaipi, najo ná'maq rashiilliguii ná'maq naqata'alo qamiri na'le quiyi Egipto!

Hechos 1:18

Qam so'maxare mashic eec, chaqai reshiujnaxana ca 'laua, reshiuetenaxana aso laseuete so Jesús co'na' imen. Qam na'le, ca najñi, ỹadoochiguiñi na lqahic, ca' rachipigui, ca nemerauec naua lauelese'.

Hechos 7:41

Ca' so qomyipi ỹo'ueeto' so huaqui llaalec, ỹahotaque la'gaxala'. Ca co'na' ime, ca ralauataxanlec quená'maq chi laloipi, ỹa'ue lachitaxanataxanaxat quiyim ỹaanot so ladenqatec. Ca netoonta'pegue só'maq chi lo'ueenatec.