Éxodo 32:34 - La'qaatqa ñi qota'olec Qota'olec & Qota'olec Novita Na Qomyipi

³⁴ Ca' qami' qui', viquita na qomyipi yí'maq shiquetapi'ñi. Ca' so ilaatec piguim le'ec ỹashaxantac qami' ma'le. Ca ma' noviro ca na'xa'a quiyim sa'ue ca nouaxanaxaset, ca ỹim sa'ue ma'le ca nouaxanaxaset cá'maq 'ue ca lasauaxaset.

Éxodo 32:34 Iomraidhean Croise

Éxodo 15:17

Qami' qara'gaxala', qare'xachi' quiyim senqalec yi Jerusalén, yí'maq co'teeta 'laua qoỹoqoshi'megue ralamaxachi', yí'maq rca'acshiqui' quiyim ñira'ñi, yí'maq qouagaxainqa' chaqaqami' 'yiriñi.

Éxodo 20:5

Ca' se ni'iiñi quiyim 'yiỹoto naua re'cootallii na'maxare, chaqai sqai maqachiñii. Ma' ỹim ná'maq ỹim ra'gaxalari qota'olec, ma' ỹim qota'olec sqaican sa'maxaren. Ca' ỹim sa'ue ca nouaxanaxaset cá'maq se no'uen queca neta'a quiyim se nqo'chiiua', chaqai ca llaalqaipi, chaqai ca lauaripi, chaqai ca llaalqaipi ca lauaripi.

Éxodo 3:17

Chaqai qai'neeta 'naapiguiỹa' quiyim naqata'alo qamiri queda lqa'viic na Egipto, ca ỹauegue' qamiri queda 'laua na'ñi na cananeoipi, hititaipi, amorreoipi, ferezeoipi, heveoipi chaqai na jebuseoipi. Yí'maq 'laua sqoue naua huaca lo'i' chaqai na rapic li'i. (3.18-22 Dá'maq ỹaanec la'qaatec ñi qota'olec queso Moisés)

Jeremías 14:10

Ñi qara'gaxala' 'neetasa' da la'qaatec, taỹaugui na llaalqaipi so Israel: Najo qomyipi nemeeten quena taaguilo. Vichiguiño' se yqo'ta. Nagui, ca ño'uenegue na lasauaxaseteripi, ca' so'uet ca nouaxanaxaset na'maxare.

Amós 3:2

Qaqamita qamiri ñca'au'alo quená'ogue na qomyipi quena 'laua. Vichiguiño' sa'ue da nouaxanaxashichii quená'ogue ná'maq 'viichitac se no'uen.

Mateo 23:35

Ca' taalgoto ma'le qamiri dá'ogue da nasauaxaset queda nalauataxac sá'ogue so huagaxaraic qomyipi shi'gue qaỹalauat, chicqochi'ñi queso huagaxaraic ỹale leenaxat Abel, chi ỹovireta'a so Zacarías, llaalec so Berequías, só'maq co'na' lauachii huaañiguilo nqai'ñii da ncopatoxonaxalate naloote'oga yi napooqo'.