Éxodo 32:33 - La'qaatqa ñi qota'olec Qota'olec & Qota'olec Novita Na Qomyipi

³³ Qam ñi qara'gaxala' 'naaco': —Cá'maq 'ue ca lasauaxaset caỹim, qaicaata sapalaxat cayi ñilere.

Éxodo 32:33 Iomraidhean Croise

Éxodo 17:14

Co'na'le, ca' ñi qara'gaxala' 'naaco' queso Moisés: —'Chiriñi dajo caca lere, qaiyi no'leentaxat. Chaqai 'ñirac queda Josué quiyim ỹim sapalaxat da 'neeta na Amalec llaalqaipi.

Ezequiel 18:20

Ca' qaicaata cá'maq 'ue ca lasauaxaset, ca' ileu. Ca ñaalec se ishiueten ca lasauaxaset ca leta'a, chaqai ca neta'a se ishiueten ca lasauaxaset ca llaalec. Cá'maq ỹo'uet ca ỹa'maqachiguiñi, ca' icoñiguit cá'maq la'maxa da lo'ueenataxanaxac; chaqai cá'maq hualoxonaq, ca' 'ue ca nouaxanaxaset da leualoxonqaishic.

Ezequiel 18:4

Ỹim ỹaatqajam ỹalamaxaret ná'ogue na ỹoreta'oguit qomyipi, ca neta'a chaqai ca llaalec. Cá'maq 'ue ca lasauaxaset, ca' chaqaica ileu.

Filipenses 4:3

Chaqai ma' qami' qamaxaraic ỹo'ueenataxanaxaua, ca shiñirapegaxaua' quiyim tauañi' cauajo qarqaỹa', ma' caua'maxare ỹaatqajam 'xoic da lotaanaxanaxague' caỹim na'le quiyim sa'xatqatac da na'qaatec chicqaugui da nca'laxa, chaqai so Clemente chaqai so liỹaripi ỹo'ueenataxanaxauaripi. Caua leenqate' saua'maxare shi'gue qoỹeresalec aso nelere ñi qota'a nca'laxalate.

Apocalipsis 13:8

Ca' sojo isecỹac ỹaatqajam qaimaqachin quená'ogue ná'maq hueetalec ana 'laua, quená'maq se qoỹeretañi ca leenaxat na' ñaqai chita'gue qaỹo'uet na 'laua, cacá'maq lere nca'laxalate hueeto'ot so 'ec qagreta llaalec shi'gue qaỹalauat.

Apocalipsis 20:12

Chaqai seuane'ta na leuaxaiquipi cocho'qui' chaqai na lodegaxat nachaatetañi, reloqoto'ot ñi qota'a. Ca qaỹauachiguilo saua lerel chaqai aso liỹa lere asó'maq lere naneretalec ná'maq qanca'laxatec. Ca ná'maq leuaxaiquipi qaimit, ca' qaishiueten quiñi 'óna quecá'maq ỹo'uet quená'maq qoỹeresalec saua lerel.

Apocalipsis 3:5

Ca cá'maq rauegaxan ma'le, ca' ỹañiñi nqohine' caua noho lalagaxaqa. Chaqai se sapalaxat ca leenaxat quiyim qoỹeretañi cayi lere nca'laxalate, ta'ta'a quiyim sa'xat quiñi ita'a chaqai quena lelaatqaipi piguim laseripi.